MAHEƁRANIYA 10:23 - Ha`bari Ndjema ya I Maore

²³ Narisike hodari itama yatru riikuɓalio ha hadhwira ɓila rasujeledze, mana Uwo atoa uwahadi, waye muaminifu.

MAHEƁRANIYA 10:23 ပူးပေါင်းရင်းမြစ်များ

1 MAKORINTIYO 1:9

Mungu waye muaminifu, waye amuhirani muke hari mwa uv̄umoja na uMwana wahe Insa-Kristi, Raɓi watru.

1 MAKORINTIYO 10:13

Kav̄usi djariɓu lamuparani lashilidzia uɓinadamu. Na Mungu, waye muaminifu. Katsoruhusu mwadjereɓiwa ha uzidisha izo mushindrao. Ɓadi v̄umoja na lidjariɓu, atsohetsi wajau ndzia ile mushindre mulistahamili.

2 MAKORINTIYO 9:13

Ha udhiɓitifu wa urumishi wanyu uwo, wao wasumutukuza Mungu ha siɓaɓu ya utuĩvu wanyu wamuv̄ingani mukuɓali ha dhwahiri iIndjili ya Kristi na ha siɓaɓu ya utolezi musada wanyu ha uwengi hawoju, na ha piya.

1 MATESALONIKA 5:24

Monyewe umuhirani waye muaminifu, na waye ɗe atsoifanyao.

2 MATESALONIKA 3:3

Ɓadi Raɓi, waye muaminifu, atsomuhodarishani na umuhifadhwini na uMovu|Movu.

TITUSA 1:2

Ukweli uwo, ɗe itama ya uhayati mukamilifu wa daima, watolwa wahadi kaɓula ya umwandro wa yimida na Mungu tsi murongoa-trambo.

MAHEƁRANIYA 11:11

Ɗe ha uaminifu ɗe Sara waye-waye, wala ukana amba aka azidi maha, av̄olwa ushindzi wa madzazi, mana amuono amba muaminifu Monyewe utoa uwahadi.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 4:14

Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

YAKOƁU 1:6

Ɓadi naitsahe ha uaminifu, wala taradudu itsokao yotsi; mana mwendza taradudu, uwo sawa na ɗuja la ɓaharini ligudzusiwao na uv̄ingwa na pev̄o.

MUV̄ENULIO 3:11

Nisuja tsi hale. Sika iyo ulionayo, ile v̄usuke ata mutru arenga ikemba yaho.