MAHEƁRANIYA 10:12 - Ha`bari Ndjema ya I Maore

¹² Ɓadi waye, ɓaanda atolea sadaka moja tu ha yamadhambi, aketsi ha daima humeni ha Mungu.

MAHEƁRANIYA 10:12 ပူးပေါင်းရင်းမြစ်များ

MARKUSI 16:19

Ɓas, Raɓi Insa|Raɓi ɓaanda ahisa ulagua na wao, ahedzewa pev̄oni, aketsi humeni ha Mungu.

MAROMU 8:34

Mbani ɗe atsowanamuao na kosa? Kristi-Insa ɗe afa, na zaidi ya iyo, aregezewa hayi, a humeni ha Mungu, na waye asurimilia.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

MAKOLOSIYA 3:1

Ɓasi ɓaanda mwaregezewa hayi v̄umoja na Kristi, namutsahe trongo za shi uju, v̄ahanu Kristi aketsi humeni ha Mungu.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MAHEƁRANIYA 10:10

Ɗe ha mav̄endzeleo yao ɗe ratwaharishiwa ha lisadaka la umwili wa Insa-Kristi, mara moja ɓas.

MAHEƁRANIYA 10:14

mana ha sadaka moja tu, akamilisha ha daima wao watwaharishiwao.

MAHEƁRANIYA 5:1

Kweli amba kula Muɓole wa Matolezi-Masadaka arengwa hari mwa uwanadamu, uv̄olwa djukuma la urumishia Mungu ha tanafu ya uwanadamu, ile awatoleye makafara na masadaka ha siɓaɓu ya madhambi.

MAHEƁRANIYA 5:3

Ɗe ha siɓaɓu ya ulemevu uwo ɗe alazimu adzitoleye waye-waye masadaka ha siɓaɓu ya madhambi, atoleye na wanadamu masadaka ha siɓaɓu ya madhambi yawo.

MAHEƁRANIYA 7:27

Waye tsi paka atowe masadaka kula suku mauri ɗe Matolezi Maɓole ya Masadaka, raɓuzi ha yamadhambi yahe monyewe, iv̄o ha ya umati. Iyo aifanya mara moja ha piya iv̄o adzitoa fidia monyewe.

MAHEƁRANIYA 8:1

iMahususu ya izo rarongoa ɗe ini: Rina Mutolezi-Masadaka Muɓole|Muɓole wa Matolezi-Masadaka namuna iyo, aketsi humeni mwa ishiri ya yezi ya Monyewe Ufalume pev̄oni.

MAHEƁRANIYA 9:12

wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.