MAGALATWIYA 6:12 - Ha`bari Ndjema ya I Maore

¹² Piya wao watsahao waonehane amba wema matsoni wasumulazimishani mutahiriwe|utahiri, tu amba ile pare wasutreswe ha siɓaɓu ya umuri wa pawa|muri wa pawa wa Kristi.

MAGALATWIYA 6:12 ပူးပေါင်းရင်းမြစ်များ

MATIYO 23:27

Maondo hanyuju, wanyu Mafundi ya Sharia na Mafarisayo, wanafiki! Wanyu ufana na mahaɓuri|kaɓuri yav̄ahwa range ndjeu, uonehana mazuri v̄ondze, ɓadi moni v̄ujaya miɓa ya wafu na kula namuna ya utshafi.

MATIYO 23:28

Wanyu wajau v̄ondze uonehana amba murahara, na moni mujaya unafiki na upeu.

MATIYO 23:5

Wao ufanya piya zitrendro zawo ile waonehane na wanadamu. Ha izo, mifungo yiliona miangishio mitwaharifu yawo, wao uyifanya amba miɓole, na mav̄wendzi ya nguo zawo uka male.

MATIYO 5:10

Furaha ha wao watreswao ha siɓaɓu ya ihaki, mana Utawalizi wa Monyewe ziMbingu, uwo wawo.

MATIYO 6:16

«Mwamofunga, musudzirembedze mauri ɗe wanafiki; wao ugaudza sura zawo, ile waonese watru amba wafungu. Nisumuambiani ha kweli, v̄av̄o kamwe wapara thawaɓu zawo.

MATIYO 6:2

Neka usutoa zaka, usudzivudziye ɓaragumu mauri ɗe inamuna wanafiki wafanyao moni na ziNyumba za Uswali na mav̄areni, ile wasifiwe na wanadamu. Nisumuambiani ha kweli, v̄ale kamwe wapara thawaɓu zawo.

MATIYO 6:5

«Mwamofanya mamilio, musufanye mauri ɗe uwanafiki wav̄endzao umia ha ulimbala moni na ziNyumba za Uswali na hari mwa zinia-traru pare wanadamu wawaone. Nisumuambiani ha kweli, v̄ale kamwe wapara thawaɓu zawo.

LUKASI 16:15

Ɓadi Insa awaambia: «Wanyu watru watsahao waonehane amba warahara mbeli za wanadamu, ɓadi Mungu ujua roho zanyu. Mana iyo iliona sheo mbeli za uwanadamu, ilaãnishiha mbeli za Mungu.»

LUKASI 20:47

Wao urav̄a piya zindjema za watruwashe wafiliwa na waume wawo, amwesa ufanya swala ndrile pare waonehane. Mahukuma yawo yatsoka madziro zaidi.»

YUHANI 7:18

Mutru alaguao ha iwaye yahe, uwo asutsaha sifa zahe monyewe. Ɓadi uwo atsahao sifa za Ule amuv̄eleha, uwo wa kweli, kav̄u unafiki utsokao yotsi haheju.

MAV̄INGIZI-RISALA 15:1

V̄uja watru waka walawa Yudeya, wakosomedza uwananya wa shi uaminifu ha uwaambia: «Neka kamwatahiriwa ha uɗunga imila ya Musa, kamushindri mwahuyiwa.»

MAV̄INGIZI-RISALA 15:5

Ɓas, ɓaãdhwi ya maaminifu waka ha yaMafarisayo|Mafarisayo wahimi, warongoa amba yakolazimu watru wa zinishani zangina watahiriwe, amwesa wafarudhwishiwe waɗunge iSharia ya Musa.

2 MAKORINTIYO 10:12

Karitsosuɓutu radzilinganisa au radzifanisa na ɓaãdhwi ya wao wadzisifuo wenyewe, ne ɗe iv̄o wadzirengao amba wao wenyewe ɗe ishiv̄imo, na udzifanisa na wao wenyewe, wao ukosewa na ãkili.

2 MAKORINTIYO 11:13

Watru mauri ɗe wao, wao mav̄ingizi-risala ya trambo, warumishi wadangamanyifu, watru wadzifanyao mav̄ingizi-risala ya Kristi.

MAGALATWIYA 2:14

Uona yangu amba kawakoɗunga ndzia yaondzoha yalingana na ukweli wa iIndjili, tsimuambia Monye mbeli za idjama piya: «Neka wawe ulio Muyahudi usuẽshi ha inamuna ya watru tsi Mayahudi, ɓadi tsi mauri Muyahudi, ha namuna jeje ushindrao ulazimishe wale tsi Mayahudi waɗunge mila za shi Uyahudi?»

MAGALATWIYA 2:3

Ɓasi ata Titusa aka na wami alio amba aka Mugiriki, ne kalazimishiwa utahiriwa|utahiri.

MAGALATWIYA 5:11

Na wami uv̄andre wangu wananyangu, na djeli amba nakoĩdhia raha utahiriwa, manatrini ata nitsotreswao raha? V̄av̄o itsoka amba isiɓaɓu ya ukwalisa ilio hari mwaumuri wa pawa|muri wa pawa, kaitsoka tsena.

MAGALATWIYA 6:13

Mana ata wao watahiriwa, ne kawasuɗunga iSharia; ɓadi wasutsaha mutahiriwe, ile washindre wadziɓuwe ha izo mwafanyiwa mwilini hanyu.

MAFILIPI 1:15

V̄wa ɓaãdhwi kweli wamujudzao Kristi ha uwivu na mashindrano, ɓadi wasalia ha nia ndjema.

MAFILIPI 2:4

Isuke amba mutru asuangalia ɗe zahe tu, ɓadi na za wanyahe.

MAFILIPI 3:18

Mana wengi tu, madza tsimuambiani wakati mwengi na nisumuambiani raha av̄asa, tsena ha matsozi, ɗe wadziv̄ingao shi ãduwi wa umuri wa pawa|muri wa pawa wa Kristi.

MAKOLOSIYA 2:23

kweli ziliona sura za hikima: mufano wa ĩɓada, uwekevu, na udzionda umwili; ɓadi kazina faida itsokao yotsi neka tsi ɗe ujiv̄idza ushiuɓinadamu.