MAGALATWIYA 6:10 - Ha`bari Ndjema ya I Maore

¹⁰ Ha izo, ramokana inafasi, narirendreye ndjema wanadamu piya, hususwani ɗe uwatru wa udjama hari mwa uaminifu.

MAGALATWIYA 6:10 ပူးပေါင်းရင်းမြစ်များ

MATIYO 10:25

Iyo utosha mwanashoni uka sawa na fundi wahe, na murumizi sawa na murumisa wahe. Neka watru wahiri shitswa wa umuraɓa ‹Ɓilizaɓula›, ha mara ngav̄i zaidi watsohirao namuna ile watru wa umuraɓa wahe!»

MATIYO 12:50

Mana mutru yotsi afanyao yamav̄endzeleo ya Ɓaɓangu alio mbinguni, uwo ɗe mwananyangu mutruɓaɓa, mwananyangu mutrumama, tsena mayangu.»

MATIYO 25:40

Sa ile mufalume atsowadjiɓu: ‹Nisumuambiani ha kweli, kula wakati mwakofanyiazo mutiti moja hari mwa wananyangu watiti rahana watiti wao, v̄ale mwakonifanyiazo ɗe wami.›

MATIYO 5:43

«Mukia amba ika irongolwa: ‹Utsov̄endza munyaho, uenge ãduwi waho.›

MARKUSI 3:4

Amwesa awaambia: «Hali iruhusiwa Suku ya Uv̄umuzi ufanya ndjema, au mbi? Uhuyi roho, au uiangamidza?» Ɓadi waɓuriha.

LUKASI 6:35

Ɓadi namuv̄endze maãduwi yanyu, namurendre zema, mwazime, ɓila utumainia ata shitru. Na thawaɓu yanyu itsoka ɓole, tsena mutsoka wana wa Monyewe Uju rahana Uju; mana waye mwema ha wao kawamuhimidia, na ha waovu.

YUHANI 12:35

Sa ile Insa awadjiɓu: «iNuru ya na wanyu raha hari mwa mwana muda. Namwendre wakati muliona inuru, pare ishidza isumujiliyeni ɓila ya wanyu udzilindrilia. Mutru andrao shidzani kaji v̄ahanu akaɓilio.

YUHANI 9:4

Raha rilio mutsana, irilazimu rifanye hazi za Ule aniv̄eleha. Uku usuja, ulio amba kav̄u ata mutru atsoshindrao afanye hazi.

MAV̄INGIZI-RISALA 6:7

uUrongozi wa Mungu wakwendra na uenea. iHisaɓu ya maswihaɓa yakoengedzeha ha uwengi hari mwa iYerusalemu, na wengi wa Matolezi-Masadaka|Mutolezi-Masadaka wastehi uaminifu.

2 MAKORINTIYO 2:8

V̄av̄o nisumutriani ɓari mumuonese mahaɓa.

MAGALATWIYA 1:23

Ɓadi waka wakia tu amba: «Mutru ule akoritresa hale hule, av̄asa asuĩdhia uaminifu ule akotsaha auangamidze.»

MAEFESO 2:19

Ɓasi ha izo, kamusi tsena wadjeni wala watru wa v̄ondze, ɓadi muna uraĩa moja na watwaharifu, mwa hari mwa udjama wa Mungu.

MAEFESO 3:15

Monyewe alio amba kula udjama rangu mbinguni ata shiv̄andreju mwa tsi, iãswili yawo ulawa hahe.

MAEFESO 4:28

Uwo ahiɓao, asuhiɓe tsena; nadzirume ha ufanya hazi ya kweli ha mihono yahe monyewe, ile akane ya uv̄a uwo akosewa.

MAEFESO 5:16

Namurumiye ha uzuri uwakati mulionawo, mana zisuku za mbovu.

MAFILIPI 4:10

Tsifurahi ha kusudi hari mwa uv̄umoja wangu na Raɓi iv̄o naona amba univ̄endza yanyu mwisoni v̄anu irudi itsanga. Univ̄endza iyo mukanayo ha uzuri, ɓadi nafasi ɗe yaka yamukoseani.

MAKOLOSIYA 4:5

Namudziv̄inge v̄umoja na hikima mbeli za wao walio v̄ondze. Namurumiye ha uzuri uwakati mulionawo.

1 MATESALONIKA 5:15

Namutahadhari amba v̄usuke mutru aɗiv̄a mbovu ha mbovu, ɓadi ha daima namuendreleye hari mwa zindjema, rangu wanyu na wanyu, ata ha piya wanadamu.

1 MATESALONIKA 5:21

ɓadi namutwaliye piya zitrongo, musike zilio ndjema.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

TITUSA 3:8

Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.

MAHEƁRANIYA 13:16

Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 MONYE 4:17

Mana uwo ɗe uwakati ihukuma ya Mungu iandrisao hari mwa umuraɓa wahe. Na neka hari mwa wasi ɗe iandrisao, v̄av̄o utsoka jeje umwiso wa wao waharao utuĩ iIndjili ya Mungu?

1 YUHANI 5:1

Mutru yotsi aaminio amba Insa ɗe Kristi, uwo adzalishiha shi Mungu, na yotsi av̄endzao umudzazi, uv̄endza wajau ule adzalishiha shi waye.

3 YUHANI 1:10

Iyo ɗe imana ata amba neka nisuja, nitsoeledza zitrendrwa zahe azifanyao ha utsambadza marongozi maovu kinyume na wasi. Wala tsi ɓasi tu, ɓadi waye-waye kasurenga wananya wa uaminifu, na wao watsahao wawarenge, ne asuwaɓalidza, tsena asuwaĩdzia hari mwa iDjama Ndziwaminifu.

3 YUHANI 1:11

Wawe muv̄endzewa, wasutiɓe imbovu, ɓadi indjema. Uwo afanyao indjema, waye wa shi Mungu. Uwo afanyao imbovu, waye kamuji Mungu.

3 YUHANI 1:3

Kweli amba tsijiv̄iwa ha kusudi iv̄o wananya wa uaminifu waja, tsena walawia ushahidi ikweli ulionayo, na inamuna udziv̄ingao hari mwa ikweli.