MAGALATWIYA 6:1 - Ha`bari Ndjema ya I Maore

¹ Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

MAGALATWIYA 6:1 ပူးပေါင်းရင်းမြစ်များ

MATIYO 11:29

Namutrihe mulandza wangu, mufundrihe hangu, mana wami mutrulivu, tsena muekevu wa roho; na v̄av̄o wanyu mutsopara uv̄umuzi wa roho zanyu.

MATIYO 26:69

Na v̄ale Monye aka aketsi v̄ondze moni na umuraɓa. V̄umujilia murumizi mutrumushe, amuambia: «Wawe wajau uka v̄umoja na Insa wa shi Galilaya.»

MATIYO 26:75

Na Monye anahana zile Insa aka amuambia: «Kaɓula raha kukuyi kalayeha, utsonihara mara traru.» Ɓas, alawa v̄ondze, andre alili ha majitso.

MATIYO 9:13

Namwendre mwasome imana ya urongozi unu: ‹Nisutsaha urehema, ɓadi tsi sadaka!› Wami v̄angu tsaja nahira warahara, ɓadi maãswifu.»

MAROMU 14:1

Namurenge ha uzuri uwo kasina uaminifu muhodari, wala musushindrane yahusu fikira zahe.

MAROMU 15:1

Wasi rilio wahodari, rilazimu rireme ɓega udziro wa wale kawasi wahodari, wala tsi ha udzijiv̄idza wasi wenyewe.

MAROMU 8:6

Ushahilifu wa fikira za ihali ya shiuɓinadamu uv̄inga hari mwa ufa, ɓadi ushahilifu wa fikira za iRoho uv̄inga hari mwa uhayati na utrulivu wa roho.

1 MAKORINTIYO 10:12

Ha izo, monyewe udzifikiria amba alimbala, natahadhari asuje awa.

1 MAKORINTIYO 14:37

Neka v̄wa mutru aonao amba waye mutru ajudzao marongozi ya shi mutrume yashukidziwa, au mutru av̄ingwao na iRoho, nakuɓali amba izo nimuangishiaonizo, iyo ãmuri ya Raɓi.

1 MAKORINTIYO 2:15

Mutru wa shi Roho waye, ha kinyume ujua anamuwe piya, wala waye-waye kaji anamulwa na atsokao yotsi. Amwesa uMuangishio usurongoa:

1 MAKORINTIYO 3:1

Hanguju wananyangu, tsi mauri ha watru wav̄ingwao na iRoho ɗe nashindra nalagua na wanyu, ɓadi ha watru wadziv̄ingao shiuɓinadamu, mauri ha watru walio wanazaza hari mwa uv̄umoja wawo na Kristi.

1 MAKORINTIYO 4:21

Trini ɗe muitsahao? Nije hanyu na shengwe, au v̄umoja na mahaɓa na roho ndzitrulivu?

1 MAKORINTIYO 7:5

Musuharaliane hadja za umwili wanyu neka tsi ha uafikiana hari mwa wakati, ile mukane nafasi ya mamilio. Amwesa murudi v̄umoja raha, pare Shetwani asuje amudjereɓuni ha siɓaɓu ya ukosefu wanyu wa ushindra udzizia.

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 2:7

ha namuna amba ya ɓorwa mumuswamihi na umutrulidza, ile asuje azidishiwa na huzuni yatupa.

2 MAKORINTIYO 2:8

V̄av̄o nisumutriani ɓari mumuonese mahaɓa.

MAGALATWIYA 5:23

utrulivu, na udzizia. Kav̄u Sharia ilio kinyume na trongo mauri ɗe zizo.

MAGALATWIYA 6:18

Wananyangu, urehema wa Raɓi watru Insa-Kristi nauke hari mwa iroho yanyu. Amina.

1 MATESALONIKA 4:1

Yaɓaki v̄anu wananya wa shi uaminifu, mupara ulawa na wasi namuna jeje ya udziv̄inga na umujiv̄ia Mungu, na iyo ɗe itrongo muifanyao. Av̄asav̄anu ɓasi, risumumiani na umutriani ɓari ha uv̄umoja na Raɓi Insa, namuendreleye raha ha uzidisha.

2 MATESALONIKA 3:15

Ɓadi mwasumurenge amba ãduwi, ɓe namumurudi mauri mwananya.

2 TIMUTAUSU 2:25

Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

MAHEƁRANIYA 12:13

«Namutayarishiye ndzia zaondzoha yimindru yanyu», ile uwo ulio goɓo wasuv̄erehe, ɓadi uangale.

MAHEƁRANIYA 13:3

Namunahane wafungwa, mauri mufungwa v̄umoja na wao, na wao warendrwao nnayi, mana wanyu wajau mwa hari mwa mwili.

YAKOƁU 3:13

Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.

YAKOƁU 3:2

Wasi piyasi ukwala ha namuna nyengi. Neka mutru kasukwala ha urongozi, uwo mutru arahara, ashindrao aziye piya mwili wahe.

1 MONYE 3:15

Ɓadi namumuhetsi Kristi rohoni hanyu amba Raɓi. Ha daima namuke tayari ya udifaĩ itama mulionayo moni hanyu, mbeli za yotsi atsotsahao ajuwe,

1 YUHANI 5:16

Neka mutru asuona munyahe wa shi uaminifu afanyao dhambi kaliv̄ingi hari mwa ufa, nafanye mamilio, na v̄av̄o Mungu atsov̄a uhayati mwananya uwo. Iyo isurongoa ɗe wao wafanyao madhambi yalio amba kayav̄ingi hari mwa ufa. V̄wa dhambi liv̄ingao hari mwa ufa. Tsi ɗe lilo ɗe nirongoao amba mutru amiliye.