MAGALATWIYA 5:6 - Ha`bari Ndjema ya I Maore

⁶ Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

MAGALATWIYA 5:6 ပူးပေါင်းရင်းမြစ်များ

LUKASI 7:5

mana waye uv̄endza ikaɓila yatru, tsena waye ɗe ariwashia inyumba ya uswali yatru.»

1 MAKORINTIYO 13:13

Ɓasi v̄anu trongo traru ɗe zilio: uaminifu, tama, na mahaɓa. Ɓadi imahususu ɗe mahaɓa.

1 MAKORINTIYO 7:19

Mana utahiriwa, tsi ɗe itrongo, au tsi utahiriwa, tsi ɗe itrongo, ɓadi ɗe uɗunga ãmuri za Mungu.

2 MAKORINTIYO 5:14

Mana uv̄endza wa Kristi usurifarudhisha, iv̄o riliona yakini na zini: moja afu ha faida ya piya. Ɓasi v̄av̄o piya wafu.

MAGALATWIYA 3:26

Mana ha ndzia ya uaminifu, mwa piyanyu wana wa Mungu ha uv̄umoja wanyu na Kristi-Insa.

MAGALATWIYA 3:28

Kav̄u tsena Muyahudi wala Mugiriki, au murumwa wala munafasina, kav̄u tsena mutruɓaɓa wala mutrumama, mana wanyu piyanyu mwa moja hari mwa uv̄umoja wanyu na Kristi-Insa.

MAGALATWIYA 6:15

Mana ilio muhimu tsi ɗe amba mutru atahiriwa, au katahiriwa, ɓadi ilio muhimu ɗe uka shiumbe pia.

MAEFESO 6:23

Utrulivu na uv̄endza, v̄umoja na uaminifu, trongo zilawao ha Mungu amma Ɓaɓa na Raɓi Insa-Kristi, naziendreleye ha uwananya wa shi uaminifu.

MAKOLOSIYA 1:4

rangu rakia uaminifu wanyu na Kristi-Insa na uv̄endza mulionawo na piya watwaharifu.

MAKOLOSIYA 3:11

V̄anu kav̄u Mugiriki ɓila Muyahudi, mutahiriwa|utahiri au katahiriwa, mushendzi ɓila mumatsaha, murumwa ɓila munafasina, ɓadi Kristi ɗe alio piya, tsena ha piya.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

MAHEƁRANIYA 11:8

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra.

1 MONYE 1:8

alio amba kamwamuona, ɓadi wanyu umuv̄endza. Na ata av̄asa wala ukana kamusumuona, ne musumuamini, ata musungiliwa na furaha ndzitukufu kaieledzesheha,