MAGALATWIYA 5:22 - Ha`bari Ndjema ya I Maore

²² Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu,

MAGALATWIYA 5:22 ပူးပေါင်းရင်းမြစ်များ

MATIYO 12:33

«Muri ukuɓalishiha amba mwema neka mbia zawo za ndjema, ɓadi movu neka mbia zawo za mbovu. Mana muri ujulihana ha zimbia zawo.

LUKASI 13:9

Laɓuda mbeli v̄av̄o utsodza; neka tsi namuna iyo, utsojua uukatre.› »

YUHANI 15:16

Wanyu tsi ɗe mwanitsahua, ɓadi wami ɗe namutsahuani, tsena namuhetsini mwendre muv̄inge mavuna, na mavuna yanyu yaẽshi, pare trongo yotsi mutsomumiao Ɓaɓa ha lidzina langu, amutakaɓaliyeniyo.

YUHANI 15:2

Kula trahi hanguju kalisudza mavuna, waye ulitoa, na kula lidzao mavuna, waye uliav̄usa, pare lizidi udza.

YUHANI 15:5

Wami ɗe umuzaɓiɓu, wanyu ɗe yamarahi. Mutru aɓakio hari mwa uv̄umoja na wami, na wami niɓakio hari mwa uv̄umoja na waye, uwo uv̄inga mavuna mengi. Mana neka tsi na wami, kamushindri ufanya itsokao yotsi.

MAROMU 14:17

Mana Utawalizi wa Mungu tsi ɗe uɗya na unwa, ɓadi ɗe uhaki, amani, na furaha, ha iRoho Ndzitwaharifu.

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

MAROMU 15:3

Mana Kristi waye kadzijiv̄idza iwaye yahe, ɓadi mauri ɗe iheli yaangihwa moni na uMuangishio: «Maruhano ya wao wahuruhanao, yanipara ɗe wami.»

MAROMU 15:30

V̄av̄o ɓasi wananyangu, nisumumiani ha uv̄umoja wa Raɓi watru Insa-Kristi na ha uv̄endza iv̄olwao na iRoho, muwane v̄umoja na wami ha unimilia Mungu,

MAROMU 6:22

Ɓadi av̄asa mukombolwa na ushindzi wa dhambi, mufanyiha warumwa wa Mungu; mavuna mulionayo ɗe utwaharifu, na umwiso ɗe uhayati mukamilifu wa daima.

MAROMU 7:4

Ɗe ha inamuna iyo wanyu wajau wananyangu: mufu mbeli za iSharia ha uv̄umoja wanyu na umwili wa Kristi, pare av̄asa muke wa mutru wangina, ule aregezewa hayi ulawa ha uwafu, ile pare rimuv̄ingiye Mungu mavuna.

MAROMU 8:5

Mana wao waẽshio ha uɗunga ihali ya shiuɓinadamu, ushahiliha na trongo za ihali ya shiuɓinadamu; ɓadi wao waẽshio ha uɗunga iRoho, ushahiliha na trongo za shi Roho.

1 MAKORINTIYO 13:13

Ɓasi v̄anu trongo traru ɗe zilio: uaminifu, tama, na mahaɓa. Ɓadi imahususu ɗe mahaɓa.

MAGALATWIYA 5:13

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

MAEFESO 4:23

tsena ilazimu mufanyihe watru wav̄ia hari mwa ziroho na zifikira,

MAEFESO 5:9

mana mavuna ya heu ɗe kula uwema, uhaki na ukweli.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

2 MATESALONIKA 3:2

tsena rikombolwe na watru wapeu tsena waovu; mana tsi piya ɗe waliona uaminifu.

1 TIMUTAUSU 3:11

Na watruwashe wajau, walazimu wake watru wakasidi, ike amba wao kawatefwa, washindre wadziziye, wake waaminifu hari mwa kula trongo.

1 TIMUTAUSU 4:12

V̄wasuke mutru adharau ushaɓaɓi waho, ɓadi ka ha uwatru waaminio mufano hari mwa marongozi, maendreleo, uv̄endza, uaminifu, na uraharifu.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 1:8

alio amba kamwamuona, ɓadi wanyu umuv̄endza. Na ata av̄asa wala ukana kamusumuona, ne musumuamini, ata musungiliwa na furaha ndzitukufu kaieledzesheha,

1 MONYE 5:12

Ɗe ha umusada wa Silvanus nimurengao amba mwananya muaminifu, ɗe nimuangishiaoni wana mistari wanu, ile nimutriyeni ɓari na ulawa ushahidi amba iyo ɗe irehema ya kweli ya Mungu ɗe mwadzifungamanisa nayo.