MAGALATWIYA 5:19 - Ha`bari Ndjema ya I Maore

¹⁹ Na zitrendro za shiuɓinadamu, izo uonehana dhwahiri: uzindzi, utshafi, upeu watupa,

MAGALATWIYA 5:19 ပူးပေါင်းရင်းမြစ်များ

YUHANI 3:6

Iyo yadzalwa ha mwili, uwo mwili, na iyo yadzalwa ha iRoho, iyo roho.

MAROMU 7:18

Nisujua amba kav̄u ndjema ilio moni hangu, yaãni v̄av̄o, hari mwa ihali ya shiuɓinadamu yangu. Kweli amba inia ya ufanya ndjema ya v̄av̄o, ɓadi ushindzi wa uifanya ɗe kav̄u.

MAROMU 7:25

Natukuzihe Mungu, ha ndzia ya Insa-Kristi Raɓi watru! Ha izo ɓasi, ini ɗe iheli nilio: wami-wami ha iãkili yangu, tsa murumwa wa iSharia ya Mungu, na ha ihali ya shiuɓinadamu yangu, murumwa wa isharia ya dhambi.

MAROMU 7:5

Mana wakati raka ratawaliwa na zitaɓia za shi unadamu zatru, zingushauku za ufanya dhambi zitsongeshewao na iSharia zakoruma ziga za umwili watru, ha namuna amba rakotoa mavuna yav̄ingao hari mwa ufa.

MAROMU 8:13

Mana neka musuẽshi ha uɗunga ihali ya shiuɓinadamu, mutsofa; ɓadi neka ha iRoho musuula zitaɓia za mwili, v̄av̄o ɓasi mutsoẽshi,

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAROMU 8:5

Mana wao waẽshio ha uɗunga ihali ya shiuɓinadamu, ushahiliha na trongo za ihali ya shiuɓinadamu; ɓadi wao waẽshio ha uɗunga iRoho, ushahiliha na trongo za shi Roho.

MAROMU 8:9

Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

1 MAKORINTIYO 3:3

Mana raha musudziv̄inga shiuɓinadamu. Rangu hari mwanyu v̄ulio uwivu na umani, v̄av̄o kamusi shiuɓinadamu? Hali kamusudziv̄inga ha namuna ya shi ulemengu?

1 MAKORINTIYO 6:18

Namutrale taɓia za shahawa kazalazimu. Dhambi langina lotsi mutru alifanyao, lilo kalihusu umwili wahe, ɓadi uwo afanyao taɓia za shahawa kazalazimu, v̄av̄o asuãswi kinyume na umwili wahe monyewe.

MAGALATWIYA 5:13

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

MAGALATWIYA 5:17

Mana shiuɓinadamu una ngushauku kinyume na iRoho, na iRoho ina zilio kinyume na ushiuɓinadamu; zisendra kinyume wizo na wizo, ha namuna amba kamusufanya izo mutsahao.

MAGALATWIYA 6:8

Mana monyewe utaɓu ha shiuɓinadamu yahe, atsovuna za shiuɓinadamu, ne ɗe uangamifu; ɓadi monyewe utaɓu ha iRoho, atsovuna za iRoho: uhayati mukamilifu.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

MAHEƁRANIYA 13:4

Ndrolo naistehiwe na piya, na ishitrandra ya ndrolo yasutrilwe tsama ya shihawara, mana Mungu atsohukumu wendza shahawa mbovu na wazindzi.

MUV̄ENULIO 21:8

Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»

MUV̄ENULIO 22:15

Na v̄ondze oho ɗe wanadamu mbwa, watsayi, wendza taɓia za shahawa kazalazimu, maula, maãɓudu masanamwe, na yotsi av̄endzao na ufanya unafiki.