MAGALATWIYA 4:4 - Ha`bari Ndjema ya I Maore

⁴ Ɓadi wakati wamokamiliha, Mungu av̄eleha Mwana wahe, adzalwa na mutrumama, tsena hari mwa yamasharutwi ya iSharia,

MAGALATWIYA 4:4 ပူးပေါင်းရင်းမြစ်များ

MATIYO 1:23

«Mutrumushe-mwanamutsa atsomira, atsodza mwana mutruɓaɓa atsohiriwao Emanueli.» Faswiri ya v̄av̄o: «Mungu a v̄umoja na wasi».

MATIYO 3:15

Ɓadi Insa amudjiɓu: «Lisha tu ike namuna iyo av̄asa. Mana ɗe ha inamuna iyo ɗe yastahiki ritsimidze piya izo zilio za haki.» Ɓas, v̄ale Yahaya akuɓali.

MATIYO 5:17

«Mwasufikiri amba tsija ha uzima iSharia au yimisomo ya yimitrume. Tsaja nazima, ɓadi nitsimidze.

MARKUSI 1:15

Akorongoa: «Wakati wahetsiwa upara, Utawalizi wa Mungu ukuruɓia! Namwendre toɓa, tsena muamini iHaɓari Ndjema!»

LUKASI 1:31

Vulishia, utsomira, udze mwana mutruɓaɓa, utsomuv̄a lidzina la Insa.

LUKASI 1:35

iMalayika imudjiɓu: «iRoho Ndzitwaharifu itsohujilia, na ushindzi wa Monyewe Uju rahana Uju utsohuv̄ishidza ha umuvuli wawo. Iyo ɗe imana umwana mutwaharifu uwo atsodzalwao, atsohiriwa Mwana wa Mungu.

LUKASI 2:7

Aja adza mwana wa handra wahe, mutruɓaɓa. Amuv̄ambia nguo, amuladza moni na shiya ya zahula za zinyama, mana kawaka wapara ɓandza moni na inyumba ya wadjeni.

LUKASI 20:44

Daudu asumuhira ‹Raɓi›. Ha namuna jeje ɓasi ata atsokao mwana wahe?»

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 10:36

Na wanyu musurongoa amba uwo Ɓaɓa amutwaharisha, amuv̄eleha ulemenguni, asumukufuru Mungu ha iv̄o narongoa: ‹Wami Mwana wa Mungu›.

YUHANI 3:16

«Mana Mungu av̄endze uulemengu, ata av̄a uMwana moja-moja wahe, ile pare kula amuaminio asupare uangamifu wa dahari, ɓadi akane uhayati mukamilifu wa daima.

YUHANI 6:38

Mana tsishuku ulawa pev̄oni nifanye, tsi mav̄endzeleo yangu, ɓadi mav̄endzeleo ya Uwo aniv̄eleha.

YUHANI 8:42

Insa awaambia: «Na djeli amba Mungu aka ɗe Ɓaɓanyu, mwatsoniv̄endza, mana ha Mungu ɗe nalawa, naja hunu. Tsaja ha iwami yangu monyewe, ɓadi Waye ɗe aniv̄eleha.

MAV̄INGIZI-RISALA 1:7

Awadjiɓu: «Izo tsi zanyu wanyu ujua uwakati au isa Ɓaɓa aihetsi ha iyezi yahe waye Monyewe.

MAROMU 1:3

Haɓari Ndjema yahusu uMwana wahe alio amba ha mwili, aka shilembwe ya Daudu.

MAROMU 15:8

Mana nisurongoa amba Kristi arendreha murumishi wa Mayahudi ile aonese ukweli wa Mungu, ha utsimidza zinguwahadi zatolewa ha uwadzaɗe,

MAROMU 5:6

Mana wakati raha karakoshindra itsokao yotsi, hari mwa uwakati wahetsiwa, Kristi afu ha faida ya mashirikina.

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAROMU 9:5

Wadzaɗe wawo ɗe wadzaɗe wa zamani wale, na uv̄andre wa shiuɓinadamu Kristi alawa hari mwa ikaɓila yawo, waye Monyewe uju na zitrongo piya, Mungu naɓarikishihe daima. Amina.

MAEFESO 1:10

ile auhidjirise wakati wamopara: ɗe utsanganisa piya, rangu zilio mbinguni ata za shiv̄andreju mwa tsi, zike utsini na Kristi, Shitswa wazo.

MAKOLOSIYA 2:14

azimi hatwi likatiɓa laka laangihwa kinyume na wasi, lilio amba masharutwi yalo yakorisingidzia; alitoa ha ulirema mizumari hari mwa umuri wa pawa|muri wa pawa.

1 TIMUTAUSU 2:6

adziv̄a waye-waye ake shiliv̄o ya ukombofu wa piya. Uwo ɗe ushahidifu watolewa wakati wawo wahetsiwa.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

MAHEƁRANIYA 2:14

Ɓasi ha iv̄o wana wanu walio mwili na damu, waye wajau afanyiha mauri wao, arenge fuvu hari mwa ihali yawo ya shiuɓinadamu, ile ha ufa wahe, aangamidze uwo aliona ushindzi wa ufa, ne ɗe Iɓilisa,

MAHEƁRANIYA 9:10

Yao masharutwi ya shimwili yaãzimishao tu uɗya na unwa, v̄umoja na tafauti za utwaharisha, zaka zahetsiwa ata uwakati trongo zakoja zigaudziwe zike pia.

1 YUHANI 4:14

Na wasi riono, tsena risulawa ushahidi amba Ɓaɓa av̄eleha uMwana amba Muhuyifu wa ulemengu.

1 YUHANI 4:2

Ɗe ha ini ɗe mujuao iRoho ya Mungu: kula roho ikuɓalio amba Insa-Kristi|Insa aja shimwili, iyo ya shi Mungu.