MAGALATWIYA 3:5 - Ha`bari Ndjema ya I Maore

⁵ Monyewe umudjaãliani iRoho, tsena ahidjirisao midjuza hari mwanyu, hali asuzifanya iv̄o muɗungao iSharia, au ɗe iv̄o mwakia ihaɓari ya uaminifu?

MAGALATWIYA 3:5 ပူးပေါင်းရင်းမြစ်များ

MAV̄INGIZI-RISALA 14:3

Ɓas, Ɓaulusu na Ɓarnaɓasi waɓaki ɗagoni Ikoniyumu muda kiasi na wao wakolagua ha uhodari hari mwa uv̄umoja wawo na Raɓi, alio amba akodhiɓitisha ukweli wa urongozi wawo ju la ineema yahe ha uwakuɓalia v̄urendrehe ãlama za midjuza na trongo za ãdjaɓu ha yimihono yawo.

MAROMU 10:17

V̄av̄o uaminifu uja ha iyo mutru akiao, na iyo mutru aikiao, uja ha umutekelezeyo wa urongozi wa Kristi.

MAROMU 15:19

tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

1 MAKORINTIYO 12:10

Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

2 MAKORINTIYO 10:4

Mana zombo riwanao nazo tsi za shiuɓinadamu, ɓadi zina ushindzi ulawao ha Mungu, ile zikomowe ngome.

2 MAKORINTIYO 12:12

Ãlama ndziv̄enufu za Muv̄ingizi-Risala zihidjirisiwa hari mwanyu: ustahamilifu hari mwa piya, ãlama za midjuza, ãdjaɓu, na midjuza.

2 MAKORINTIYO 13:3

iv̄o mutsahao udhiɓitifu amba Kristi asulagua ha indzia yangu, waye alio amba tsi mulemevu mbeli zanyu, ɓadi alio mushindzi hari mwanyu.

2 MAKORINTIYO 3:8

ha namuna jeje urumishi wahusu iRoho kautsozidi utukufu?

2 MAKORINTIYO 9:10

Na Monyewe uv̄a mbeu umutaɓizi na dipe amba shahula atsomuv̄ani ha uwengi mbeu, tsena atsoengedza yamavuna ya uhaki wanyu.

MAGALATWIYA 3:2

Trongo nitsahao nijuwe hanyuju ɗe ini tu: Hali ɗe ha uɗunga iSharia ɗe mwadjaãliwa iRoho Ndzitwaharifu, au ɗe iv̄o mwakia ihaɓari ya uaminifu?

MAFILIPI 1:19

mana nisujua amba iyo itsoniv̄ingia uhuyifu ha mamilio yanyu, na ha umusada wa iRoho ya Insa-Kristi.