MAGALATWIYA 3:29 - Ha`bari Ndjema ya I Maore

²⁹ Na neka wanyu wa Kristi, v̄av̄o mwa zilembwe za Iɓrahima, tsena mwa mawarithi ha uɗunga uwahadi.

MAGALATWIYA 3:29 ပူးပေါင်းရင်းမြစ်များ

MATIYO 3:9

wala musufikiri udziambia amba: ‹Wasi, ɓaɓatru ɗe Iɓrahima.› Mana nisumujudzani amba ha mawe yanu, ne Mungu ushindra atowe wana wa Iɓrahima!

MAROMU 8:17

Na ha iv̄o rilio wana, ra wajau hari mwa umwaratha: warithishiwa wa Mungu, tsena hari mwa ushirika wa mwaratha v̄umoja na Kristi, neka kweli risuondesheha v̄umoja na waye, ile ritukuzihe wajau v̄umoja na waye.

1 MAKORINTIYO 15:23

Ɓadi kula mutru atsoregezewa hayi ha wakati wahe: imimba ya handra ya uregezewa hayi ɗe Kristi, yaɗunga ɗe wao walio wa Kristi wakati atsov̄enuhao.

2 MAKORINTIYO 10:7

Wanyu musuangalia zitrongo ha inamuna muzionao. Neka mutru ayakinisha amba waye wa Kristi, nakuɓali wajau zini: neka waye wa Kristi, wasi wajau.

MAGALATWIYA 3:16

Na v̄anu zinguwahadi zika ziv̄olwa Iɓrahima na shilembwe yahe. uMuangishio kausurongoa amba «na zizilembwe», mauri amba wengi, ɓadi usurongoa moja, «na ishilembwe yaho», na uwo ɗe Kristi.

MAGALATWIYA 3:18

Na djeli umwaratha uka uja ha uɗunga iSharia, v̄av̄o kaitsoka tsena amba ulawa hari mwa uwahadi. Na v̄anu ha uwahadi ɗe Mungu amudjaãlia Iɓrahima urehema wahe.

MAGALATWIYA 3:28

Kav̄u tsena Muyahudi wala Mugiriki, au murumwa wala munafasina, kav̄u tsena mutruɓaɓa wala mutrumama, mana wanyu piyanyu mwa moja hari mwa uv̄umoja wanyu na Kristi-Insa.

MAGALATWIYA 3:7

Ɓasi v̄av̄o, namujuwe amba: wao waliona uaminifu ɗe walio «wana wa Iɓrahima».

MAGALATWIYA 4:1

Trongo niirongoao ɗe ini: piya umuda muarithi alio mwanamutsa, waye katafautisha na murumwa hari mwa itsokao yotsi, wala ukana waye ɗe monyewe wa piya.

MAGALATWIYA 4:7

Ɓasi ha izo, kusi tsena murumwa, ɓadi mwana. Na ha iv̄o ulio mwana, v̄av̄o wa muarithi, trongo yafanyiwa na Mungu.

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAGALATWIYA 6:16

Ha piya wao waɗungao musariɓio uwo, utrulivu na urehema naziendreleye, tsena ha iIsraila ya Mungu.

MAEFESO 3:6

na iyo ɗe amba: zinishani zangina zina mwaratha ɗe uwo-uwo, wa ziga za mwili moja uwo-uwo, tsena wana fungu hari mwa uwahadi uwo-uwo hari mwa uv̄umoja wawo na Kristi-Insa, ha ndzia ya iIndjili.

TITUSA 3:7

ile pare rangu rahakishiwa ha urehema wahe, rifanyihe mawarithi, ha itama ya uhayati mukamilifu wa daima.

MAHEƁRANIYA 1:14

Hali piya izo tsi roho ndzirumishi zav̄elehwa zirumishiye wao watsowarithio uhuyifu?

MAHEƁRANIYA 11:18

tsena ha waye ɗe aka aambilwa: «Ɗe ha Isiaka ɗe utsopariwao zilembwe.»

MAHEƁRANIYA 11:7

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.

MAHEƁRANIYA 6:17

Na Mungu iv̄o akotsaha aonese mawarithi wa uwahadi amba inia yahe kaigauha, aishadidisha ha mulav̄io.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

MUV̄ENULIO 21:7

Uwo ashindra, atsoarithi trongo zini. Nitsoka Mungu wahe, na waye atsoka mwana wangu.