MAGALATWIYA 3:18 - Ha`bari Ndjema ya I Maore

¹⁸ Na djeli umwaratha uka uja ha uɗunga iSharia, v̄av̄o kaitsoka tsena amba ulawa hari mwa uwahadi. Na v̄anu ha uwahadi ɗe Mungu amudjaãlia Iɓrahima urehema wahe.

MAGALATWIYA 3:18 ပူးပေါင်းရင်းမြစ်များ

MAROMU 8:17

Na ha iv̄o rilio wana, ra wajau hari mwa umwaratha: warithishiwa wa Mungu, tsena hari mwa ushirika wa mwaratha v̄umoja na Kristi, neka kweli risuondesheha v̄umoja na waye, ile ritukuzihe wajau v̄umoja na waye.

MAGALATWIYA 2:21

Tsisuhara irehema ya Mungu; mana na djeli umuhakisho mbeli za Mungu uka ha iSharia, itsoka amba Kristi afu ɓila mana itsokao yotsi.

MAGALATWIYA 3:10

Kweli amba wao watriao tama zawo hari mwa uɗunga iSharia, wa hari mwa ulaãnifu, mana v̄uangihwa: «Alaãnishiha mutru yotsi alio amba kasuɗunga ha ukamilifu piya zaangihwa moni na ishio ya iSharia, tsena kasuzitsimidza.»

MAGALATWIYA 3:12

Ɓadi iSharia kaisulawa hari mwa uaminifu. Mana v̄uangihwa: «Monyewe uɗunga trongo zizo, atsoẽshi ha ndzia yazo.»

MAGALATWIYA 3:16

Na v̄anu zinguwahadi zika ziv̄olwa Iɓrahima na shilembwe yahe. uMuangishio kausurongoa amba «na zizilembwe», mauri amba wengi, ɓadi usurongoa moja, «na ishilembwe yaho», na uwo ɗe Kristi.

MAGALATWIYA 3:26

Mana ha ndzia ya uaminifu, mwa piyanyu wana wa Mungu ha uv̄umoja wanyu na Kristi-Insa.

MAGALATWIYA 3:29

Na neka wanyu wa Kristi, v̄av̄o mwa zilembwe za Iɓrahima, tsena mwa mawarithi ha uɗunga uwahadi.