MAGALATWIYA 3:16 - Ha`bari Ndjema ya I Maore

¹⁶ Na v̄anu zinguwahadi zika ziv̄olwa Iɓrahima na shilembwe yahe. uMuangishio kausurongoa amba «na zizilembwe», mauri amba wengi, ɓadi usurongoa moja, «na ishilembwe yaho», na uwo ɗe Kristi.

MAGALATWIYA 3:16 ပူးပေါင်းရင်းမြစ်များ

MATIYO 1:1

Tsini ishikandre yav̄inga madzina ya wadzaɗe wa Insa-Kristi, shilembwe ya Daudu, alio amba shilembwe ya Iɓrahima.

LUKASI 1:55

mauri ɗe iheli aka aambia maɓaɓatru, ne ɗe Iɓrahima na zilembwe zahe ha daima.»

MAV̄INGIZI-RISALA 3:25

Wanyu ɗe uwana wa yimitrume na wa umukataɓa Mungu aufanya na wadzaɗe watru ha umuambia Iɓrahima: ‹Na hari mwa zilembwe zaho, piya zinishani za shiv̄andreju mwa tsi zitsoɓarikishiha.›

MAROMU 12:5

Ɗe ha inamuna iyo wajau wasi rilio wengi, ra mwili moja ha uv̄umoja watru na Kristi, iv̄o piyasi rilio ziga kula moja ha wanyahe.

MAROMU 4:13

Kweli amba tsi ha ndzia ya iSharia ɗe uwahadi wa uwarithi ulemengu wav̄olwa Iɓrahima na zilembwe zahe, ɓadi wahadi uwo av̄olwawo ha umuhakisho wahe mbeli za Mungu ha siɓaɓu ya uaminifu wahe.

MAROMU 4:16

Iyo ɗe imana amba wahadi uwo uja ha uaminifu, pare ike amba neema ya Mungu, tsena utsimidzihe ha piya zizilembwe za Iɓrahima, wala tsi tu amba ha wao walio hari mwa iSharia, ɓadi wajau ha wao waliona uaminifu mauri ɗe Iɓrahima, mudzaɗe watru piyasi.

MAROMU 9:4

wao walio Maisraila, wafanyiha wana, waonesewa utukufu, wav̄olwa yimikataɓa, iSharia, iĩɓada, na zinguwahadi.

1 MAKORINTIYO 12:12

Kweli amba mauri ɗe umwili iv̄o ulio moja ne uliona ziga nyengi, na piya ziga za umwili ha uwengi wazo, wizo mwili moja, ɓasi ɗe ha inamuna iyo wajau ɗe v̄ulio ha Kristi.

1 MAKORINTIYO 12:27

Ɓasi wanyu ɗe umwili wa Kristi, na kula moja shiga ya umwili uwo.

2 MAKORINTIYO 11:22

Amba wao Maheɓraniya? Wami wajau. Maisraila? Wami wajau. Wao zilembwe za Iɓrahima? Wami ne.

MAGALATWIYA 3:19

Ɓasi ãzima ya iSharia trini? Ika iengedzewa pare mahosa yav̄enuhe, ata mupaka aje iShilembwe ilio amba ika itolewa uwahadi. iSharia ika iv̄ingwa na malayika, ha umuhono wa muparanisa.

MAGALATWIYA 3:8

Tsena iv̄o uMuangishio Mutwaharifu waona rangu kaɓula amba Mungu atsokuɓali watru tsi Mayahudi ha uaminifu wawo, ɗe wamujudza Iɓrahima ihaɓari ndjema iyo amba: «Piya zinishani zitsoɓarikishiha ha indzia yaho.»

MAEFESO 5:32

V̄av̄o v̄wa ãdjaɓu ɓole, na wami yangu nisurongoa amba isumuhusu Kristi na iDjama Ndziwaminifu.

MAKOLOSIYA 2:19

Na waye kasudzifunga na ishitswa ilio amba ha wiyo, piya umwili wafungamaniha ha uzuri ha zifungo za mwili na yimizi yawo, uhua ha muhulio ulawao ha Mungu.

MAKOLOSIYA 3:11

V̄anu kav̄u Mugiriki ɓila Muyahudi, mutahiriwa|utahiri au katahiriwa, mushendzi ɓila mumatsaha, murumwa ɓila munafasina, ɓadi Kristi ɗe alio piya, tsena ha piya.