MAGALATWIYA 3:11 - Ha`bari Ndjema ya I Maore

¹¹ Na tsena irahara amba kav̄u ahakishao mbeli za Mungu ha ndzia ya iSharia, mana v̄uangihwa: «Monyewe uhakikishiwa ha uaminifu, atsoẽshi.»

MAGALATWIYA 3:11 ပူးပေါင်းရင်းမြစ်များ

MAROMU 1:17

Mana moni na iIndjili ini ɗe v̄wav̄enuha umuhakisho wa Mungu ha indzia ya uaminifu, ɓadi tsi ha trongo yangina, mauri ɗe inamuna yaangihwa moni na uMuangishio Mutwaharifu amba: «Uwo ahakishiha ha uaminifu wahe, atsokana uhayati.»

MAGALATWIYA 2:16

Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAHEƁRANIYA 10:38

Na mwendza haki wangu atsoẽshi ha uaminifu, ɓadi neka asudzivura, roho yangu kaijiv̄iwa na waye.»

YAKOƁU 1:27

iDini yarahara tsena kaina pandra mbeli za Mungu amma Ɓaɓa, ɗe ushahiliha na yatima na watruwashe wafiliwa na waume wawo hari mwa utaãɓifu wawo, na udziɓausa na kula tsama ya shiulemenguni itriao pandra.

YAKOƁU 3:2

Wasi piyasi ukwala ha namuna nyengi. Neka mutru kasukwala ha urongozi, uwo mutru arahara, ashindrao aziye piya mwili wahe.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.