MAGALATWIYA 3:1 - Ha`bari Ndjema ya I Maore

¹ He wanyu Magalatwiya mudzifanyao wajinga! Mbani ɗe amugangini? Ne muv̄enuliwa hadhwira matsoni hanyu Insa-Kristi, amba aremwa mizumari hari mwa muri wa pawa.

MAGALATWIYA 3:1 ပူးပေါင်းရင်းမြစ်များ

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 7:26

Ɓadi kula akiao marongozi yangu yanu wala kayatria ndziani, ufana na ɗaɓa laundra nyumba yalo hari mwa mutsanga.

LUKASI 24:25

Sa ile Insa awaambia: «He wanyu kamuna ãkili muliona roho ndziro za uamini piya izo zarongolwa na yimitrume!

MAV̄INGIZI-RISALA 16:6

Ɓaanda waɓalidziwa na iRoho Ndzitwaharifu wasujudze uUrongozi hari mwa iAziya, wav̄iria liɓavu la Frugiya na Galatwiya.

MAV̄INGIZI-RISALA 6:7

uUrongozi wa Mungu wakwendra na uenea. iHisaɓu ya maswihaɓa yakoengedzeha ha uwengi hari mwa iYerusalemu, na wengi wa Matolezi-Masadaka|Mutolezi-Masadaka wastehi uaminifu.

MAROMU 10:16

Ɓadi tsi piya ɗe watuĩ iHaɓari Ndjema. Mana Izaya arongoa: «Mwalangu, mbani ɗe aamini ihaɓari arikia nayo?»

MAROMU 2:8

Ɓadi hadhaɓu na hasera ha wao wadzinafasishao, waharao ukweli na uɗunga udhuluma.

MAROMU 6:17

Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

1 MAKORINTIYO 11:26

Mana kula mwamoɗya dipe lini na unwa shinoa ini, musujudza ufa wa Raɓi, ata aje.

1 MAKORINTIYO 2:2

Mana tsiãzimia nasujuwe trongo yangina hanyuju neka tsi Insa-Kristi, waye alio amba aremwa mizumari hari mwa muri wa pawa.

2 MAKORINTIYO 10:5

Risuv̄indrusa ziãkili za trambo na kula ufahari udzihedzao kinyume na ujuzi wamuhusu Mungu, tsena risuv̄inga kula fikira ifanyihe mufungwa hari mwa itrongo ya umutuĩ Kristi.

2 MAKORINTIYO 11:3

Ɓadi mauri ɗe inamuna inyoha yamudanganya Hawa ha udjandja wayo, nisuria amba koho la ãkili lanyu lasuje lalaɓiha, laɓauhana na uv̄umoja wa kweli tsena warahara wanyu na Kristi.

MAGALATWIYA 1:2

na piya wananya wa shi uaminifu walio na wami, risumuangishiani wanyu ziDjama Ndziwaminifu za Galatwiya:

MAGALATWIYA 1:6

Nisushanga ha upesi trini muɓauhao Uwo alio amba amuhirini ha ineema ya Kristi, ha uendra hari mwa Haɓari Ndjema yangina.

MAGALATWIYA 2:14

Uona yangu amba kawakoɗunga ndzia yaondzoha yalingana na ukweli wa iIndjili, tsimuambia Monye mbeli za idjama piya: «Neka wawe ulio Muyahudi usuẽshi ha inamuna ya watru tsi Mayahudi, ɓadi tsi mauri Muyahudi, ha namuna jeje ushindrao ulazimishe wale tsi Mayahudi waɗunge mila za shi Uyahudi?»

MAGALATWIYA 3:3

V̄anu kweli amba murendreha wajinga namuna iyo? Ɓaanda mwaandrisa ha iRoho, amba av̄asa musuja mukamilishe ha ushindzi wa shiunadamu wanyu?

MAGALATWIYA 4:9

Ɓadi av̄asa, iv̄o mumujuao Mungu, au amba mujulihanao na Mungu, namuna jeje mushindrao murudi raha hari mwa trongo zile kazina ushindzi tsena ndziv̄ungufu, ha utsaha muzirumishiye raha mauri warumwa wazo?

MAGALATWIYA 5:11

Na wami uv̄andre wangu wananyangu, na djeli amba nakoĩdhia raha utahiriwa, manatrini ata nitsotreswao raha? V̄av̄o itsoka amba isiɓaɓu ya ukwalisa ilio hari mwaumuri wa pawa|muri wa pawa, kaitsoka tsena.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAEFESO 4:14

Ha izo, karitsoka tsena wanatsa wav̄ingwao na maji, watangisiwao na kula pev̄o ya musomo, wapotezewao ha udjandja na yimipango ya unafiki ya wanadamu.

MAEFESO 5:15

Namutunde ha uzuri ɓasi maendreleo yanyu: yasuke mauri ya magedze, ɓadi yake mauri ya wendza hikima.

2 MATESALONIKA 1:8

Atsov̄enuha moni na jenge la moro, ile aãdhiɓu wao kawasumujua Mungu na wao kawasutuĩ iIndjili ya Raɓi watru Insa.

1 TIMUTAUSU 6:4

v̄av̄o ajaya ufahari, kasina yotsi aijuao; ana uwaɗe wa ushindrana na umani hari mwa zikauli. V̄av̄o ɗe v̄udzalishihao uwivu, mashindrano, naza, misingidzio miovu,

MAHEƁRANIYA 11:8

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 4:17

Mana uwo ɗe uwakati ihukuma ya Mungu iandrisao hari mwa umuraɓa wahe. Na neka hari mwa wasi ɗe iandrisao, v̄av̄o utsoka jeje umwiso wa wao waharao utuĩ iIndjili ya Mungu?

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

MUV̄ENULIO 18:3

Mana piya zinishani zino ushi wa uzindzi muhali wahe. Wafalume wa ishiv̄andre ya tsi wakozingana na waye, na maɓahazazi wa shiv̄andreju mwa tsi watadjirishiha ha ndza zahe za uzuri wazidi.»

MUV̄ENULIO 2:20

Ɓadi trongo nilionayo kinyume na wawe, ɗe amba usulisha mutrumushe Djezaɓeli ule adzifanyao amba asujudza marongozi ya shi mutrume ashukidziwao, asomedze na upoteza warumishi wangu wafanye taɓia mbi na uɗya nyama zatolewa sadaka masanamwe.