MAGALATWIYA 2:21 - Ha`bari Ndjema ya I Maore

²¹ Tsisuhara irehema ya Mungu; mana na djeli umuhakisho mbeli za Mungu uka ha iSharia, itsoka amba Kristi afu ɓila mana itsokao yotsi.

MAGALATWIYA 2:21 ပူးပေါင်းရင်းမြစ်များ

MARKUSI 7:9

Awaambia raha: «Wanyu ulatsa ha uzuri iãmuri ya Mungu, ile musike mila yanyu!

MAROMU 10:3

Ha iv̄o kawasujua uhaki ulawao ha Mungu, na iv̄o watsahao wadzipariye wao wenyewe uhaki, kawakuɓali indzia yahetsiwa ya umuhakisho wa Mungu.

MAROMU 11:6

Na neka ha neema, v̄av̄o tsi ulawana na zitrendro. Mana neka tsi ɗe iyo, v̄av̄o ineema kaisi neema tsena.

MAROMU 4:25

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

MAROMU 8:31

Ɓasi v̄av̄o rirongowe trini yahusu trongo zizo? Neka Mungu a uv̄andre watru, mbani ɗe atsoshindrao ake kinyume na wasi?

1 MAKORINTIYO 15:14

Na neka Kristi karegezewa hayi, ɓasi maĩdhwa yatru kayasina tanafu, na uaminifu wanyu wajau kausina tanafu.

1 MAKORINTIYO 15:17

Na neka Kristi karegezewa hayi, v̄av̄o uaminifu wanyu kausina tanafu, tsena raha mwa hari mwa madhambi yanyu.

1 MAKORINTIYO 15:2

na ha wiyo tsena muna uhuyifu, neka musuisika mauri ɗe iheli namujudzaniyo. Neka tsi ɗe namuna iyo, itsoka amba v̄av̄o muamini ɓila tanafu itsokao yotsi.

MAGALATWIYA 2:16

Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAGALATWIYA 2:18

Neka nisurudi niundre izo nakomoa, v̄av̄o nisuv̄enua amba tsa mukosefu.

MAGALATWIYA 3:21

Hali v̄anu iSharia isendra kinyume na zinguwahadi za Mungu? Ata hata! Na djeli v̄uka v̄utolwa Sharia ishindrao iv̄inge uhayati, v̄av̄o umuhakisho ha Mungu watsoja na iSharia.

MAHEƁRANIYA 7:11

Na djeli utolezi-masadaka wakofanyiwa na udjama wa Lawi wakotosha utsimidza ukamilifu, mana uwo ɗe waka ɗe umusingi wa iSharia yaka yav̄olwa umati wa Israila, ɓasi manatrini ata v̄waka v̄walazimu v̄uje Mutolezi-Masadaka wangina ha inamuna ya Melkisedeki, ɓadi amba tsi ɗe ha inamuna ya Haruna?