MAGALATWIYA 2:19 - Ha`bari Ndjema ya I Maore

¹⁹ Kweli amba ha iSharia wami-wami tsifu mbeli za iSharia, ile niẽshi amba wa Mungu. Tsiremwa mizumari hari mwa muri wa pawa v̄umoja na Kristi;

MAGALATWIYA 2:19 ပူးပေါင်းရင်းမြစ်များ

MAROMU 4:15

Mana iSharia isuv̄inga ihadhaɓu ya Mungu, na v̄ahali kav̄u Sharia, v̄av̄o kav̄u uvundzifu.

MAROMU 5:20

Na iSharia ingia, pare madhambi yazidi. Ɓadi v̄ahali ilio amba dhambi lizidishiha, ineema ya Mungu izidi uzidishiha,

MAROMU 6:11

Ɗe ha inamuna iyo wanyu wajau, namudzihetsiye mauri uhusu dhambi mufu, tsena mauri mwa hayi ha Mungu ha uv̄umoja wanyu na Kristi-Insa.

MAROMU 6:14

V̄av̄o dhambi kalitsomutawaliani, mana kamusi utsini na iSharia, ɓadi hari mwa urehema.

MAROMU 6:2

Ata hata! Yahusu dhambi, wasi rifu. Ɓasi v̄av̄o ha namuna jeje ritsoẽshio raha moni mwalo?

MAROMU 7:14

Risujua amba Sharia, iyo trongo ya shiroho; ɓadi wami shiumbe mwendza mwili, tsa murumwa wa dhambi.

MAROMU 7:4

Ɗe ha inamuna iyo wanyu wajau wananyangu: mufu mbeli za iSharia ha uv̄umoja wanyu na umwili wa Kristi, pare av̄asa muke wa mutru wangina, ule aregezewa hayi ulawa ha uwafu, ile pare rimuv̄ingiye Mungu mavuna.

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

1 MAKORINTIYO 10:31

Ha izo, mwamoɗya, au mwamonwa, au tsena yotsi muifanyao, namufanye piya ha utukufu wa Mungu.

1 MAKORINTIYO 9:20

Ha yaMayahudi|Mayahudi tsika mauri Muyahudi, ile nipare yaMayahudi; ha wao watawaliwa na iSharia tsika mauri mutru atawaliwa na iSharia, wakati ulio amba wami ha wami tsatawaliwa na iSharia, ile nipare wao watawaliwa na iSharia.

2 MAKORINTIYO 5:15

Na neka afu ha faida ya piya, v̄av̄o pare wao walio hayi wasuẽshi tsena ha faida yawo wenyewe, ɓadi ha faida ya ule afa, tsena aregezewa hayi ha faida yawo.

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.

MAGALATWIYA 3:10

Kweli amba wao watriao tama zawo hari mwa uɗunga iSharia, wa hari mwa ulaãnifu, mana v̄uangihwa: «Alaãnishiha mutru yotsi alio amba kasuɗunga ha ukamilifu piya zaangihwa moni na ishio ya iSharia, tsena kasuzitsimidza.»

MAGALATWIYA 3:24

Ha izo, iSharia ika mulezi watru ata umujilio wa Kristi, ile rikuɓalishihe ha uaminifu.

MAGALATWIYA 6:14

Hanguju wami, ata idahari tsatsodziɓua ha itsokao yotsi yangina neka tsi hari mwa umuri wa pawa wa Raɓi watru Insa-Kristi, muri ulio amba ha uwo, ulemengu uremwa mizumari ha wami, mauri ɗe namuna nilio ha ulemengu.

MAKOLOSIYA 2:20

Neka amba wanyu mufu v̄umoja na Kristi hari mwa yahusu zitru za ãswili za ulemengu, ɓasi manatrini muẽshio shi watru wa lidunia lini ha udzilisha muv̄ingwe na masharutwi yalo? Amba:

MAKOLOSIYA 3:3

Mana wanyu mufu, na uhayati wanyu utsitsiha v̄umoja na Kristi ha Mungu.

1 MATESALONIKA 5:10

alio amba afu ha tanafu yatru, ile neka risushesa au risulala, riẽshi hari mwa uv̄umoja na waye.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

1 MONYE 4:6

Iyo ɗe imana amba ata ha uwafu, ne iIndjili ijudziwa, ile pare ɓaanda wanamulwa shi wanadamu mwilini, waẽshi shi roho mauri Mungu.