MAGALATWIYA 2:11 - Ha`bari Ndjema ya I Maore

¹¹ Ɓadi wakati Monye awaswili Antiyokiya, maswa ha maswa tsamukuɓalia, mana aka akoso.

MAGALATWIYA 2:11 ပူးပေါင်းရင်းမြစ်များ

MATIYO 16:23

Ɓadi Insa azingi, amuambia Monye: «Nilawiye mbeli zangu v̄anu Shetwani! Usutsaha unikwalise! Mana fikira zaho tsi ɗe za Mungu, ɓadi za wanadamu.»

YUHANI 1:42

Amuv̄ingi ha Insa. Insa amuangalia, arongoa: «Wawe ɗe Simoni, mwana wa Yuhani. Ulawa v̄anu utsohiriwa Sefasi.» (Mana yayo, Monye.)

MAV̄INGIZI-RISALA 11:19

Watru waka watsambadziha ha siɓaɓu ya yamatreso yaka yaja ɓaanda ya ufa wa Etiyeni, wandre ata mupaka Fonikiya, shisiwani Kupro na Antiyokiya. Kawakojudza Urongozi wa Mungu, neka tsi ɗe ha yaMayahudi|Mayahudi.

MAV̄INGIZI-RISALA 11:20

Ɓadi v̄uka hari mwao ɓaãdhwi ya watru wa shi Kupro na Kureniya waka waja Antiyokiya, walagua wajau na wale tsi Mayahudi, wawajudza iHaɓari Ndjema ya Raɓi Insa|Raɓi.

MAV̄INGIZI-RISALA 11:22

iHaɓari ile iwaswili ha iDjama Ndziwaminifu ya Yerusalemu; ɓas, wamuv̄eleha Ɓarnaɓasi andre Antiyokiya.

MAV̄INGIZI-RISALA 11:27

Wakati uwo, watru waka washukidziwa marongozi ya Mungu wayajudze walawa Yerusalemu ha ushuka Antiyokiya.

MAV̄INGIZI-RISALA 15:1

V̄uja watru waka walawa Yudeya, wakosomedza uwananya wa shi uaminifu ha uwaambia: «Neka kamwatahiriwa ha uɗunga imila ya Musa, kamushindri mwahuyiwa.»

MAV̄INGIZI-RISALA 15:5

Ɓas, ɓaãdhwi ya maaminifu waka ha yaMafarisayo|Mafarisayo wahimi, warongoa amba yakolazimu watru wa zinishani zangina watahiriwe, amwesa wafarudhwishiwe waɗunge iSharia ya Musa.

2 MAKORINTIYO 11:5

Ne tsisuona amba tsa muv̄ungufu hari mwa itsokao yotsi ulawana na «mav̄ingizi-risala wahu» wale.

2 MAKORINTIYO 12:11

Tsika tsifanyiha mujinga, na wanyu ɗe mwaka mwanitsongesha. Kweli amba ika ilazimu wanyu ɗe munisifu, mana tsaka muv̄ungufu rahana «mav̄ingizi-risala wahu» wale hari mwa itsokao yotsi, wala ukana wami tsi shitru.

2 MAKORINTIYO 5:16

Ha izo rangu v̄anu, karisuangalia atsokao yotsi ha shiuɓinadamu. Wala ukana rakomuangalia Kristi ha shiuɓinadamu, av̄asa karisumuangalia tsena namuna ile.

MAGALATWIYA 1:18

Ɓaanda ya maha miraru, tsihea Yerusalemu namujuwe Monye, tsena tsiɓaki suku kumi na tsano hahe.

MAGALATWIYA 2:14

Uona yangu amba kawakoɗunga ndzia yaondzoha yalingana na ukweli wa iIndjili, tsimuambia Monye mbeli za idjama piya: «Neka wawe ulio Muyahudi usuẽshi ha inamuna ya watru tsi Mayahudi, ɓadi tsi mauri Muyahudi, ha namuna jeje ushindrao ulazimishe wale tsi Mayahudi waɗunge mila za shi Uyahudi?»

MAGALATWIYA 2:5

Ɓadi karawakuɓalia ata mwanapav̄i, pare ukweli wa iIndjili umuɓakiyeni.

MAGALATWIYA 2:7

Ɗe ha kinyume, waono amba tsidhwaminishiwa umujudzio wa iIndjili ha watru tsi Mayahudi, mauri Monye ha yaMayahudi.

MAGALATWIYA 2:9

Na ɓaanda wafahamu ineema nadjaãliwayo, Yakoɓu, Monye na Yuhani, wakorengwa amba ɗe zingidzo za iDjama Ndziwaminifu, wariv̄a umuhono wa hume wami na Ɓarnaɓasi ha ãlama ya uv̄umoja, amba wasi ritsendra ha watru tsi Mayahudi, na wao ha yaMayahudi.

1 TIMUTAUSU 5:20

Wao waãswio, warudi mbeli za piya uwatru, pare wasalia wajau wariye.

YAKOƁU 3:2

Wasi piyasi ukwala ha namuna nyengi. Neka mutru kasukwala ha urongozi, uwo mutru arahara, ashindrao aziye piya mwili wahe.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.