MAGALATWIYA 1:15 - Ha`bari Ndjema ya I Maore

¹⁵ Ɓadi wakati Mungu atsaha wamopara, waye alio amba anitsahua rangu mimbani ha mayangu, tsena anihira ha urehema wahe

MAGALATWIYA 1:15 ပူးပေါင်းရင်းမြစ်များ

MATIYO 11:26

Naam Ɓaɓa, mana iyo ɗe inamuna waka wav̄endza.

LUKASI 10:21

Sa ile kamwe Insa afurahishiwa na iRoho Ndzitwaharifu, arongoa: «Nisuhutukuza Ɓaɓa, Mola wa uwingu na ishiv̄andre ya tsi, iv̄o wadzamisa trongo zizo ha uwendza hikima na ha uwendza ãkili, waziv̄enua ha uwatiti. Ewa, Ɓaɓa, nisuhutukuza mana uv̄endze zike namuna iyo.

MAV̄INGIZI-RISALA 13:2

V̄uka suku, wakati wakoãɓudu Mola na ufunga, iRoho Ndzitwaharifu iwaambia: «Namunihetsiye Ɓarnaɓasi na Saulusu ha ihazi nawahira nawo.»

MAV̄INGIZI-RISALA 9:15

Ɓadi Raɓi amuambia: «Endra, mana mutru uwo, waye shombo naitsahua ajudze lidzina langu ha zinishani zangina, ha yamafalume, na ha uwana wa Israila.

MAROMU 1:1

Wami Ɓaulusu, murumishi wa Kristi-Insa|Kristi, nahirwa nike Muv̄ingizi-Risala, tsena nahetsiwa nijudze iHaɓari Ndjema ya Mungu,

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

MAROMU 8:28

Ha namuna yotsi wasi risujua amba trongo piya urendreha ha uwema wa wao wamuv̄endzao Mungu, wahiriwa ulingana na ikusudi yahe.

MAROMU 8:30

Na wao awahetsi rangu kaɓula, awahiri wajau; na wao awahira, awahakisha wajau; na wao awahakisha, awatukuza wajau.

MAROMU 9:24

Wasi ra moni v̄av̄o wajau, wasi rilio amba arihiri, tsi tu amba hari mwa yaMayahudi, ɓadi tsena hari mwa zinishani zangina.

1 MAKORINTIYO 1:1

Wami Ɓaulusu nahiriwa ha yamav̄endzeleo ya Mungu nike Muv̄ingizi-Risala wa Kristi-Insa, v̄umoja na umwananya wa shi uaminifu Sustani,

1 MAKORINTIYO 1:21

Kweli amba ha iv̄o hari mwa ihikima ya Mungu ulemengu kawamujua ha ihikima yawo, Mungu waye aono afudhwali ha ndzia ya ujinga wa umujudzio wa umuri wa pawa ahuyi wao waaminio.

1 MAKORINTIYO 1:24

ɓadi ha wao wahiriwa, rangu Mayahudi ata Magiriki, Kristi waye ɗe ushindzi wa Mungu, tsena hikima ya Mungu.

1 MAKORINTIYO 1:9

Mungu waye muaminifu, waye amuhirani muke hari mwa uv̄umoja na uMwana wahe Insa-Kristi, Raɓi watru.

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

MAGALATWIYA 1:1

Wami Ɓaulusu, Muv̄ingizi-Risala, trongo kayalawa ha wanadamu, wala ha indzia ya mwanadamu, ɓadi ha Insa-Kristi|Insa na Mungu Ɓaɓa, amuregeza hayi ulawa ha uwafu,

MAGALATWIYA 1:6

Nisushanga ha upesi trini muɓauhao Uwo alio amba amuhirini ha ineema ya Kristi, ha uendra hari mwa Haɓari Ndjema yangina.

MAEFESO 1:5

aripangisa rangu kaɓula rifanyishihe wana wahe ha ndzia ya Insa-Kristi. Yao ɗe mav̄endzeleo yahe yamujiv̄ia,

MAEFESO 1:9

Arijudza iãdjaɓu ya mav̄endzeleo yahe, ne ɗe umupango wa mav̄endzeleo yahe yamujiv̄ia adzitayarishawo rangu kaɓula autsimidze ha indzia ya Kristi,

MAEFESO 3:11

ha uɗunga umupango wa kaɓula auhidjirisa ha Kristi-Insa, Raɓi watru.

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.