MAGALATWIYA 1:14 - Ha`bari Ndjema ya I Maore

¹⁴ Hari mwa itrongo ya uɗunga idini ya shi Uyahudi, nakov̄iria hirimu zangu nyengi wa kaɓila moja na wami, mana tsikana djitihadi ɓole zaidi na zimila za wadzaɗe wangu.

MAGALATWIYA 1:14 ပူးပေါင်းရင်းမြစ်များ

MATIYO 15:6

v̄av̄o mususomedza amba tsi paka amuhishimu tsena ɓaɓahe au mayahe. Ha izo, wanyu ulatsa urongozi wa Mungu ha siɓaɓu ya mila yanyu.

MAV̄INGIZI-RISALA 21:20

Ɓaanda wamukia, wamutukuza Mungu, amwesa wamuambia Ɓaulusu: «Usuona, mwananyatru, amba mialifu na mialifu ya Mayahudi waja waamini, na piyawo wana djitihadi na iSharia.

MAV̄INGIZI-RISALA 22:3

«Wami Muyahudi nadzalwa Tarsisi hari mwa liɓavu la Silisiya, ɓadi tsilelesheha Yerusalemu. Ɗe ha uketsi mindruni ha Djamalayilu, ɗe nasomedzewa niɗunge umunofu wa iSharia ya wadzaɗe watru. Tsikana djitihadi ya kusudi na Mungu, mauri ɗe inamuna piyanyu mulionayo ileo ini.

MAV̄INGIZI-RISALA 26:5

Ɓaanda wanijuao rangu shifundra, watsojua walawe ushahidi neka wasutsaha, amba tsiẽshi Mufarisayo atsimu, ha uɗunga ishama kali zaidi ya idini yatru.

MAV̄INGIZI-RISALA 26:9

V̄av̄o wami v̄angu tsifikiri amba inilazimu ha djitihadi nikanyuse lidzina la Insa wa Nazareti.

MAKOLOSIYA 2:8

Namufahamu amba v̄wasuke mutru amufanyiani shambwe ha ndzia ya misomo ya ziãkili za shiuɓinadamu ndzidangamanyifu, tsena truv̄u, yilawanao na zimila za shiuɓinadamu, na zitru za ãswili za ulemengu, ɓadi tsi ha Kristi.

1 MONYE 1:8

alio amba kamwamuona, ɓadi wanyu umuv̄endza. Na ata av̄asa wala ukana kamusumuona, ne musumuamini, ata musungiliwa na furaha ndzitukufu kaieledzesheha,