MAFILIPI 4:14 - Ha`bari Ndjema ya I Maore

¹⁴ Ɓadi mufanya ndjema iv̄o mwarenga fuvu hari mwa usongefu wangu.

MAFILIPI 4:14 ပူးပေါင်းရင်းမြစ်များ

MATIYO 25:21

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MAROMU 15:27

Waono amba ndjema ya uifanya, ɓadi ha kweli, iyo ika deni mbeli zawo. Mana neka watru wa zinishani zangina wapara fuvu hari mwa zineema za shiroho za Mayahudi, v̄av̄o walazimu wawasaidiye hari mwa zitrongo za maẽsha ya kula suku.

MAGALATWIYA 6:6

Uwo asomedzewao Urongozi wa Mungu, naanise ndjema zahe piya na uwo amusomedzao.

MAFILIPI 1:7

Iyo haki neka nisumufikirini piyanyu namuna iyo, mana nisumuv̄ingani rohoni, wanyu mulio amba neka hari mwa zifungo za silisili zangu, mauri hari mwa idifaĩ na uhakikisha iIndjili, musurenga fuvu piyanyu hari mwa ineema nadjaãliwayo.

MAFILIPI 4:18

Tsipara piya, ata ha uzidishiha. Tsitoshea iv̄o napara ha Eɓafroditi izo zalawa hanyu, mauri marashi yendza harufu ndzuzuri, sadaka likuɓaliwao na Mungu, tsena limujiv̄iao.

1 TIMUTAUSU 6:18

Nawarendre ndjema, wake tadjiri ha zitrendro ndjema, wake wangu wa uv̄a, tsena wakane maendreleo ya ushirika.

MAHEƁRANIYA 10:33

Wakati mwakoelehwa dhwahiri mbeli za watru ha zilihidzo na matreso, na wakati wangina mwakoka ushirika moja na wao wakofanyiwa zitrendrwa mauri ɗe zizo.

MAHEƁRANIYA 10:34

Kweli amba muono utungu v̄umoja na wao waka wafungwa, tsena ha furaha mukuɓali muv̄oshewe ndjema zanyu, iv̄o mwakojua amba muna utadjirifu wazidi utsokao dahari.

MAHEƁRANIYA 13:16

Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.

MUV̄ENULIO 1:9

Wami Yuhani, mwananyanyu nirengao fuvu hari mwa yamatreso, hari mwa ufalume na suɓira ha uv̄umoja watru na Insa, tsika hari mwa ishisiwa ya Patimosa ha siɓaɓu ya Urongozi wa Mungu, na ushahidifu wa Insa