MAFILIPI 2:1 - Ha`bari Ndjema ya I Maore

¹ Ɓasi neka amba v̄wa mwana mutrilio-ɓari hari mwa uv̄umoja wanyu na Kristi, neka v̄wa mwana mutrulidzio alawao ha uv̄endza wahe, neka v̄wa uv̄umoja na iRoho, neka v̄wa mwana uwema na poreho,

MAFILIPI 2:1 ပူးပေါင်းရင်းမြစ်များ

LUKASI 2:25

Na v̄ale v̄uka mutru ɗagoni Yerusalemu akohiriwa Simeona; aka mutru mutuĩvu mwendza djitihadi na zitrongo za Mungu, amwesa akositamia ukombozi wa Israila; tsena iRoho Ndzitwaharifu ika na waye.

YUHANI 14:18

Tsitsomulishani yatima, nitsomurudiani.

YUHANI 14:27

Nisumulishiani utrulivu wa roho, nisumuv̄ani utrulivu wangu; tsisumuv̄aniwo mauri ɗe inamuna ulemengu uv̄ao. Roho yanyu isuhafilihe, wala isuke na trisidzo.

YUHANI 17:13

Na av̄asa nisuja haho, na trongo zizo nisuzilagua raha nilio ulemenguni, ile furaha yangu ikamilishihe moni hawo.

MAV̄INGIZI-RISALA 2:46

Ha djitihadi na nia moja, kula suku wakongulidzana moni na iNyumba Ndzitwaharifu; wakokutrua madipe malagoni hawo na uɗya zahula zawo ha furaha na umo warahara.

MAV̄INGIZI-RISALA 4:32

iDunia ya wale waamini ifanyiha umo moja na roho moja. Kav̄waka ata mutru akorongoa amba mali yahe, yahe waye monyewe, ɓadi wakozidjimlisa piyazo.

MAROMU 5:5

Na itama kaisuripua ɓari, mana uv̄endza ya Mungu ienea moni na roho zatru ha ndzia ya iRoho Ndzitwaharifu radjaãliwayo.

MAROMU 8:26

Ɗe namuna iyo tsena iRoho uriv̄a musada hari mwa ushashi watru, mana wasi kariji yalazimu ritsahe hari mwa mamilio yatru, ɓadi iRoho wiyo-wiyo urimilia ha misisio-pumu yilio amba kav̄u marongozi yatsoshindrao yayieledze.

1 MAKORINTIYO 12:13

Mana ha Roho moja riɓaĩshiwa piyasi, ile rifanyihe mwili moja ɓas, rangu Mayahudi ata Magiriki, rangu warumwa ata wanafasina, na piyasi rinosewa Roho moja.

1 MAKORINTIYO 15:31

Kula suku wami uka hari mwa hatwari ya ufa, wananyangu, mauri ɗe inamuna ilio kweli amba wanyu ɗe ufahari wangu hari mwa uv̄umoja watru na Kristi-Insa, Raɓi watru.

1 MAKORINTIYO 3:16

Hali kamusujua amba wanyu nyumba ndzitwaharifu ya Mungu, na iRoho ya Mungu isuẽshi moni hanyu?

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

MAGALATWIYA 4:6

Na ha iv̄o mulio wana, Mungu av̄eleha rohoni hatru iRoho ya uMwana wahe, ilio amba isurongoa ha nguvu: «Aɓɓa!» yaãni «Ɓaɓa!»

MAGALATWIYA 5:22

Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu,

MAEFESO 4:4

V̄wa mwili moja na Roho moja, mauri ɗe inamuna ilio amba itama mwahiriwa nayo moja, ne ɗe ile ya umuhirio wanyu.

MAFILIPI 1:8

Kweli amba shahidi Mungu ha uv̄endza nilionayo na wanyu piyanyu, uv̄endza wa Kristi-Insa.

MAFILIPI 3:3

Mana watahiriwa wa kweli ɗe wasi, wasi riãɓuduo ha iRoho ya Mungu, ridzifaharishao hari mwa uv̄umoja watru na Kristi-Insa, tsena rilio amba karisutria tama yatru hari mwa uɓinadamu.

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

MAKOLOSIYA 3:12

Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

1 YUHANI 3:24

Uwo aɗungao ãmuri zahe, uka hari mwa uv̄umoja na Mungu, na Mungu na waye. Na wasi ujua amba a hari mwa uv̄umoja na wasi ha iRoho ariv̄ayo.

1 YUHANI 4:12

Kav̄u mutru aparomuona Mungu. Neka risuv̄endzana, Mungu uẽshi moni hatru, na uv̄endza yahe ukamilishiha moni hatru.

1 YUHANI 4:16

Na wasi risujua uv̄endza Mungu alionayo na wasi, na wasi riiamini. Mungu waye mahaɓa. Na uwo aẽshio hari mwa mahaɓa, waye uẽshi hari mwa uv̄umoja na Mungu, na Mungu uẽshi hari mwa uv̄umoja na waye.