MAFILIPI 1:26 - Ha`bari Ndjema ya I Maore

²⁶ ile ha wami uzidi siɓaɓu ya udzifaharisha hari mwa uv̄umoja wanyu na Kristi-Insa, wakati nitsorudio hanyu.

MAFILIPI 1:26 ပူးပေါင်းရင်းမြစ်များ

YUHANI 16:22

Wanyu wajau, av̄asa mwa hari mwa huzuni. Ɓadi nitsomuonani raha, na iroho yanyu itsofurahi, tsena ifuraha yanyu, kav̄u ata mutru atsoshindrao amutoleyeniyo.

YUHANI 16:24

Ata upara av̄asa kamwamia ata trongo ha lidzina langu. Namumiye, na wanyu mutsopara, ile furaha yanyu ikamilishihe.

2 MAKORINTIYO 1:14

mauri ɗe inamuna madza mwaelewa ha pindri, amba wasi ɗe isiɓaɓu ya udziɓua yanyu, na wanyu yatru, hari mwa iSuku ya Raɓi watru Insa.

2 MAKORINTIYO 5:12

V̄anu karisudziaminisa mbeli zanyu raha, ɓadi risumuv̄ani furswa ya udziɓua ha siɓaɓu ya wasi, ile mushindre mudjiɓu wao wadziɓuao na zile zionehanao, ɓadi tsi na zilio rohoni.

2 MAKORINTIYO 7:14

Neka amba tsidzifaharisha mwanapav̄i mbeli zahe ha siɓaɓu ya wanyu, tsaparwa na aĩɓu. Mauri ɗe inamuna ilio amba ha ukweli ɗe ralagua na wanyu, ɓasi izo raka radzifaharisha nazo zapatana na wanyu mbeli za Titusa, ziv̄enuha wajau amba kweli.

2 MAKORINTIYO 7:4

Tsina uaminifu muɓole na wanyu, tsena nisujiv̄iwa ha kusudi ha siɓaɓu ya wanyu. Tsijaya mutrulidzio. Hari-hari na piya taãɓu zatru, furaha yangu isutrisa.

2 MAKORINTIYO 7:6

Ɓadi Mungu, Monyewe utrulidza wao wapuha ɓari, aritrulidza ziroho ha umujilio wa Titusa,

MAGALATWIYA 6:4

Ɓadi kula mutru nadzitunde na zitrendro zahe monyewe, na v̄av̄o atsopara trongo ya udziɓua yalawana na iwaye yahe, ɓadi tsi ha mutru wangina.

MAFILIPI 3:1

Yaɓaki, wananyangu wa shi uaminifu, namufurahi hari mwa uv̄umoja wanyu na Raɓi. Kaisunitaãɓisha umuangishiani trongo ɗe wizo-wizo, na hanyuju, iyo hifadhwi.

MAFILIPI 3:3

Mana watahiriwa wa kweli ɗe wasi, wasi riãɓuduo ha iRoho ya Mungu, ridzifaharishao hari mwa uv̄umoja watru na Kristi-Insa, tsena rilio amba karisutria tama yatru hari mwa uɓinadamu.

MAFILIPI 4:10

Tsifurahi ha kusudi hari mwa uv̄umoja wangu na Raɓi iv̄o naona amba univ̄endza yanyu mwisoni v̄anu irudi itsanga. Univ̄endza iyo mukanayo ha uzuri, ɓadi nafasi ɗe yaka yamukoseani.

MAFILIPI 4:4

Namufurahini daima hari mwa uv̄umoja wanyu na Raɓi. Nisurudi niirongowe, namufurahini!