MAFILIPI 1:20 - Ha`bari Ndjema ya I Maore

²⁰ Trongo naiv̄a matso ha kusudi niitumainiao, ɗe amba tsitsoona haya na itsokao yotsi, ɓadi nike na uhodari watsimu, amba rangu av̄asa ata ha daima, Kristi atsotukuziwa mwilini hangu, neka tsa hayi, au neka tsifu.

MAFILIPI 1:20 ပူးပေါင်းရင်းမြစ်များ

YUHANI 21:19

Arongoa trongo iyo ile aonese ha ufa jeje Monye atsomutukuzao Mungu. Ɓaanda arongoa zile, amuambia: «Niɗunge!»

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

MAV̄INGIZI-RISALA 21:13

Sa ile adjiɓu: «Manatrini mulilao, munipuao ɓari iroho yangu? Tsa tayari, tsi ha ufungwa tu, ɓadi ata ha ufa Yerusalemu ha siɓaɓu ya lidzina la Raɓi Insa|Raɓi.»

MAV̄INGIZI-RISALA 4:31

Wamomalidza mamilio yawo, mukaɓala ule waka wangulidzana ugudzuha; piyawo wajadziwa iRoho Ndzitwaharifu, amwesa wakojudza urongozi wa Mungu ha uhodari.

MAROMU 12:1

Ɓasi wananyangu, ha siɓaɓu ya urehema wa Mungu, nisumutriani ɓari muelehe umwili wanyu ha Mungu amba kafara lilio hayi, twahara limujiv̄iao Mungu. Iyo ɗe ĩɓada ya kweli yamulazimuni.

MAROMU 5:5

Na itama kaisuripua ɓari, mana uv̄endza ya Mungu ienea moni na roho zatru ha ndzia ya iRoho Ndzitwaharifu radjaãliwayo.

MAROMU 6:13

Wala musuv̄elehe ziga za mwili zanyu zarumishia dhambi, zarendreha zombo za mbovu. Ɓadi namudziv̄e wanyu-wanyu mumurumishiye Mungu, amba watru mulio hayi mwalawa hari mwa ufa, tsena muv̄e ziga zanyu zike zombo zimurumishiao Mungu, zifanye zilio za haki.

MAROMU 6:19

Nisulagua shi unadamu, ha siɓaɓu ya udziro wa uelewa wa shiuɓinadamu wanyu. Mauri ɗe inamuna mwaka mwafanya ziga za umwili wanyu warumwa wa tsama na upeu uengedzehao ha upeu, v̄av̄o namufanye av̄asa ziga zanyu warumwa wa ihaki iv̄ingao hari mwa utwaharifu.

MAROMU 8:19

Mana ziumbe piya zisulindra na hamu uwakati wa umuv̄enulio wa uwana wa Mungu.

MAROMU 9:33

Mauri ɗe iheli v̄uangihwa: «Tsini, nisuhetsi ɓwe *Siyuna, ɓwe la ukwalisa, tsena ɓwe-monye liusao; na uwo amuaminio, katsotolewa itama.»

1 MAKORINTIYO 15:31

Kula suku wami uka hari mwa hatwari ya ufa, wananyangu, mauri ɗe inamuna ilio kweli amba wanyu ɗe ufahari wangu hari mwa uv̄umoja watru na Kristi-Insa, Raɓi watru.

1 MAKORINTIYO 6:20

Mununulwa ha thamani. Ɓasi namumutukuze Mungu mwilini hanyu.

1 MAKORINTIYO 7:34

Na v̄av̄o fikira zahe uanisiha. Na mutrumushe kalolwa, mauri mutrumushe-mwanamutsa, udzishuhulisa na trongo za Raɓi, ile wake watwaharifu wa mwili na wa roho. Na uwo alio hari mwa ndrolo udzishuhulisa na trongo za shi ulemengu, na inamuna ya umujiv̄idza mume wahe.

2 MAKORINTIYO 10:8

Ata wala ukana amba nisuzidi mwanapav̄i udziɓua ha siɓaɓu ya iyezi Raɓi ariv̄a ya umuhodarishani ɓadi tsi ya umuangamidzani, tsitsoionea haya.

2 MAKORINTIYO 3:12

Ɓasi ha iv̄o riliona utumainivu mauri ɗe uwo, rina uhodari wa kusudi.

2 MAKORINTIYO 4:10

Risuv̄inga daima moni na umwili watru ufa wa Insa, pare uhayati wa Insa uv̄enuhe wajau mwiliju hatru.

2 MAKORINTIYO 5:15

Na neka afu ha faida ya piya, v̄av̄o pare wao walio hayi wasuẽshi tsena ha faida yawo wenyewe, ɓadi ha faida ya ule afa, tsena aregezewa hayi ha faida yawo.

2 MAKORINTIYO 7:14

Neka amba tsidzifaharisha mwanapav̄i mbeli zahe ha siɓaɓu ya wanyu, tsaparwa na aĩɓu. Mauri ɗe inamuna ilio amba ha ukweli ɗe ralagua na wanyu, ɓasi izo raka radzifaharisha nazo zapatana na wanyu mbeli za Titusa, ziv̄enuha wajau amba kweli.

2 MAKORINTIYO 7:4

Tsina uaminifu muɓole na wanyu, tsena nisujiv̄iwa ha kusudi ha siɓaɓu ya wanyu. Tsijaya mutrulidzio. Hari-hari na piya taãɓu zatru, furaha yangu isutrisa.

MAFILIPI 1:14

Ha zifungo za silisili zangu ɗe uwengi wa wananya wa shi uaminifu wangia ɓari hari mwa uv̄umoja wawo na Raɓi, ata wasuɓutuo wajudze Urongozi wa Mungu ɓila trisidzo.

MAFILIPI 2:17

Ɓadi ata wala ukana idamu yangu isujotsomolwa amba kafara hari mwa lisadaka la urumishi wa uaminifu wanyu, ne nisufurahi nayo, tsena nisufurahi v̄umoja na wanyu piyanyu.

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

1 MONYE 4:16

ɓadi neka amba iv̄o alio mutru wa Kristi, asuone haya; v̄av̄o waye namutukuze Mungu iv̄o av̄inga lidzina lilo.

1 YUHANI 2:28

Av̄asav̄anu wana wangu, namuɓaki hari mwa uv̄umoja na waye, ile pare wakati yotsi atsov̄enuhao, rikane yakini, tsena v̄wasuke ata aĩɓu moja yariɓausa na waye suku ya muv̄enulio wahe.