MAFILIPI 1:1 - Ha`bari Ndjema ya I Maore

¹ Ɓaulusu na Timutausu, warumishi wa Kristi-Insa, ha piya watwaharifu hari mwa uv̄umoja wawo na Kristi-Insa walio ɗagoni Filipi, ha yamadhwamana na wasaidizi:

MAFILIPI 1:1 ပူးပေါင်းရင်းမြစ်များ

MARKUSI 13:34

Itsoka mauri mufano wa mutru amolawa hahe andrao musafara, udhwaminisha warumizi wahe ha uv̄a kula moja ihazi yahe yamulazimu. Tsena, waye uãmurisha umugogezi-mulongo ake hashiri.

YUHANI 12:26

Neka mutru asutsaha anirumishiye, naniɗunge; na v̄ahali nilio, v̄av̄o wajau ɗe v̄ahali murumishi wangu atsokao. Neka mutru asunirumishia, Ɓaɓangu atsomuhishimu.

MAV̄INGIZI-RISALA 1:20

«Ɓasi v̄uangihwa moni na ishio ya ziNgutende: ‹Makazi yahe nayafanyihe truv̄u, yasuketsiwe na mutru atsokao yotsi.› Amwesa: ‹liƁandza lahe nalirengwe na wangina.›

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAV̄INGIZI-RISALA 9:13

Ɓadi Ananiyasi amudjiɓu: «Raɓi, tsikia ha watru wengi piya uovu mutru uwo aufanya ha uwatwaharifu waho Yerusalemu.

MAROMU 1:1

Wami Ɓaulusu, murumishi wa Kristi-Insa|Kristi, nahirwa nike Muv̄ingizi-Risala, tsena nahetsiwa nijudze iHaɓari Ndjema ya Mungu,

MAROMU 1:7

Nisumuangishiani wanyu piyanyu mulio ɗagoni Romu, mulio wav̄endzewa wa Mungu, mwahiriwa muke watwaharifu. V̄av̄o ineema na utrulivu zilawao ha Ɓaɓatru Mungu na Raɓi watru Insa-Kristi nazimuendreleyeni.

1 MAKORINTIYO 16:10

Timutausu amowaswili oho, namumurenge ha uzuri ha namuna amba asutaãɓihe, mana waye ufanya mauri ɗe wami hazi ya umurumishia Raɓi.

2 MAKORINTIYO 1:1

Wami Ɓaulusu, Muv̄ingizi-Risala wa Kristi-Insa|Kristi ha yamav̄endzeleo ya Mungu, na umwananya wa shi uaminifu Timutausu, risumuangishiani wanyu iDjama Ndziwaminifu ya Mungu ilio Korintiyo, v̄umoja na piya maaminifu walio hari mwa iAkaya|Akaya kamili.

MAGALATWIYA 1:10

Ɓasi av̄asa, hali v̄anu nisutsaha muhakisho wa wanadamu, au wa Mungu? Hali nisutsaha nijiv̄idze wanadamu? Na djeli nakotsaha raha nijiv̄idze wanadamu, tsatsoka murumishi wa Kristi.

MAGALATWIYA 3:26

Mana ha ndzia ya uaminifu, mwa piyanyu wana wa Mungu ha uv̄umoja wanyu na Kristi-Insa.

MAGALATWIYA 3:28

Kav̄u tsena Muyahudi wala Mugiriki, au murumwa wala munafasina, kav̄u tsena mutruɓaɓa wala mutrumama, mana wanyu piyanyu mwa moja hari mwa uv̄umoja wanyu na Kristi-Insa.

MAEFESO 1:1

Wami Ɓaulusu, Muv̄ingizi-Risala wa Kristi-Insa ha mav̄endzeleo ya Mungu, nisuangishia watwaharifu amma waaminifu hari mwa uv̄umoja na Kristi-Insa [ɗagoni Efeso]:

MAEFESO 1:15

Iyo ɗe imana ata wami wajau, ukia yangu uaminifu wanyu na Raɓi Insa na uv̄endza yanyu mulionayo ha piya uwatwaharifu,

MAEFESO 6:24

Urehema nauendreleye ha piya wamuv̄endzao Raɓi watru Insa-Kristi ha uv̄endza kaukomo.

MAFILIPI 2:19

Nisutumainia hari mwa uv̄umoja wa Raɓi Insa, nimuv̄elesheyeni Timutausu hari mwa muda wa tsi hale, ile wami-wami nitrilihe ɓari namopara haɓari zanyu.

MAFILIPI 2:5

Namukane wanyu na wanyu inamuna Kristi-Insa akanayo:

MAFILIPI 3:12

Na v̄anu kaisi amba madza tsipara itrongo, au madza tsikamiliha, ɓadi nisusimamia ile niipare, iv̄o wami-wami naparihana na Kristi-Insa.

MAFILIPI 3:3

Mana watahiriwa wa kweli ɗe wasi, wasi riãɓuduo ha iRoho ya Mungu, ridzifaharishao hari mwa uv̄umoja watru na Kristi-Insa, tsena rilio amba karisutria tama yatru hari mwa uɓinadamu.

MAFILIPI 3:8

Wala tsi tu, ɓadi nisuona raha piya amba hasara namoangalia ifaida yazidi ya umujua Kristi-Insa Raɓi wangu, alio amba ha siɓaɓu ya waye, tsilishi piya, tsena nisuziona piya mauri tsama, ne nimupare Kristi,

1 MATESALONIKA 1:1

Wami Ɓaulusu, v̄umoja na Silvanus na Timutausu, ha iDjama Ndziwaminifu ya Matesalonika ilio hari mwa uv̄umoja na Mungu amma Ɓaɓa na Raɓi Insa-Kristi: Urehema na amani nazimuendreleyeni.

1 MATESALONIKA 2:2

Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole.

2 MATESALONIKA 1:1

Wami Ɓaulusu, v̄umoja na Silvanus na Timutausu, ha iDjama Ndziwaminifu ya Matesalonika ilio hari mwa uv̄umoja na Mungu amma Ɓaɓatru na Raɓi Insa-Kristi:

2 MATESALONIKA 1:10

wakati isuku iyo atsojao atukuziwe ha watwaharifu wahe, na usifiwa ha piya wao itsokao amba waamini. Na wanyu wajau mutsoka, mana muamini ushahidifu watru.

1 TIMUTAUSU 1:2

ha Timutausu, mwana wa kweli wangu hari mwa uaminifu: Neema, urehema na amani zilawao ha Mungu amma Ɓaɓa, na Kristi-Insa, Raɓi watru, nazihuendreleye.

1 TIMUTAUSU 3:8

uWasaidizi wa Djama Ndziwaminifu wajau walazimu wake watru wakasidi, wendza kauli moja, tsi walevi, wala wadziparia ha namuna kayalazimu.

TITUSA 1:1

Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

TITUSA 1:7

Kweli amba dhwamana wa Djama Ndziwaminifu, rangu alio mushangirizi wa Mungu, alazimu ake ɓila tuhuma. Kalazimu aka mwendza hanyo, mwendza hasera, mulevi, mumani, wala adziparia ha namuna kayalazimu.

FILIMUNA 1:1

Wami Ɓaulusu, mufungwa ha siɓaɓu ya Kristi-Insa, v̄umoja na umwananya wa shi uaminifu Timutausu, risuhuangishia Filimuna mushangirizi muv̄endzewa watru,

MAHEƁRANIYA 13:23

Namujuwe amba mwananyatru Timutausu aɓuliwa. Neka awaswili ha uharaka, nitsoja nimuoneni v̄umoja na waye.

YAKOƁU 1:1

Wami Yakoɓu, murumishi wa Mungu amma wa Raɓi Insa-Kristi, ha zingudjama kumi na mbili zatsambadziwa ulemenguni. Salamu ju lanyu.

1 MONYE 2:25

Mana muka mauri maɓariɓari yandrao mboya, ɓadi av̄asa murudi ha Uwo alio Mutsunga wanyu, tsena Mugogezi wa ziroho zanyu.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

YUDA 1:1

Wami Yuda, murumishi wa Insa-Kristi, tsena mwananyahe wa Yakoɓu, nisuangishia wao wahiriwa amma wav̄endzewa wa Mungu ne ɗe Ɓaɓa, tsena wahetsiwa amba wa Insa-Kristi:

MUV̄ENULIO 1:1

Shio ini isuv̄inga umuv̄enulio ha Insa-Kristi, ulio amba Mungu amuv̄a aonese warumishi wahe izo zijao zihidjiri tsi hale. Aujudza ha ndzia ya malayika yahe aiv̄eleha ha murumishi wahe Yuhani,

MUV̄ENULIO 1:20

Yahusu iãdjaɓu ya nyora saɓa waziona hari mwa muhono wa hume wangu, na zizihetsi-kombe saɓa za dhahaɓu, ɗe ini: zinyora saɓa, izo ɗe zimalayika za ziDjama Ndziwaminifu saɓa, na zizihetsi-kombe saɓa, ɗe ziDjama Ndziwaminifu wizo saɓa.»

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MUV̄ENULIO 2:12

«Angishia imalayika ya iDjama Ndziwaminifu ya Pergamu zini: Zini ɗe zirongolwao na Monyewe ukana upanga utsindzao wendza nguso mbili:

MUV̄ENULIO 2:8

«Angishia imalayika ya iDjama Ndziwaminifu ya Smirna zini: Zini ɗe zirongolwao na Monyewe wa Handra, amma wa Hwisa, afa, amwesa aregea hayi.

MUV̄ENULIO 22:9

Ɓadi iniambia: «Usufanye trongo iyo! Wami murumishi munyaho, na wa wanyaho wao washukidziwa marongozi ya shi mutrume, na wao wasikao marongozi ya ishio ini. Muãɓudu ɗe Mungu!»