MAEFESO 6:20 - Ha`bari Ndjema ya I Maore

²⁰ ilio amba ha wiyo tsa wakala hari mwa silisili, ile pare niijudze ha uhodari, mauri ɗe inamuna yalazimu.

MAEFESO 6:20 ပူးပေါင်းရင်းမြစ်များ

MAV̄INGIZI-RISALA 21:33

Ɓasi v̄ale shitswa wa yamadjeshi aja amusiki Ɓaulusu, amwesa aãmurisha afungwe silisili mbili. Ɓaanda ya v̄ale adzisa amba waye mbani na trini ɗe aifanya.

MAV̄INGIZI-RISALA 26:29

Ɓaulusu amudjiɓu: «Neka shashi au nyengi, nisumia Mungu ike amba tsi ɗe wawe tu, ɓadi na piya wao wanivulishiao leo ini mugauhe mauri ɗe wami, ila ɗe silisili zini.»

MAV̄INGIZI-RISALA 28:20

Ɓasi iyo ɗe imana ata natsaha nimuoneni, nilaguwe na wanyu. Ɗe ha siɓaɓu ya itama ya Israila ɗe nilio hari mwa isilisili ini.»

MAV̄INGIZI-RISALA 28:31

Akojudza uUtawalizi wa Mungu na usomedza zapatana na Raɓi Insa-Kristi ha uhodari watsimu, ɓila udhuri utsokao yotsi.

MAV̄INGIZI-RISALA 5:29

Sa ile Monye na yaMav̄ingizi-Risala wanyahe wadjiɓu: «Irilazimu rimutuĩ Mungu rahana uwanadamu!

2 MAKORINTIYO 3:12

Ɓasi ha iv̄o riliona utumainivu mauri ɗe uwo, rina uhodari wa kusudi.

2 MAKORINTIYO 5:20

Ɓasi wasi mawakala wa Kristi, na Mungu waye-waye ɗe amuhiraoni ha ndzia yatru. Risumumiani ha lidzina la Kristi, namudzilishe muparanisiwe na Mungu.

MAEFESO 3:1

Iyo ɗe imana nimumiliaoni Mungu, wami Ɓaulusu, mufungwa wa Kristi-Insa ha tanafu yanyu, wanyu tsi Mayahudi,

MAEFESO 4:1

Ɓasi nisumutriani ɓari, wami nilio mufungwa ha siɓaɓu ya urumishi wangu ha Raɓi, mukane maendreleo yastahiki umuhirio mwaupara,

MAEFESO 6:19

Namunimiliye na wami wajau, pare kula namoɓua ihanyo urongozi niv̄olwewo, ile nijudze ha uhodari iãdjaɓu ya iIndjili,

MAFILIPI 1:20

Trongo naiv̄a matso ha kusudi niitumainiao, ɗe amba tsitsoona haya na itsokao yotsi, ɓadi nike na uhodari watsimu, amba rangu av̄asa ata ha daima, Kristi atsotukuziwa mwilini hangu, neka tsa hayi, au neka tsifu.

MAFILIPI 1:7

Iyo haki neka nisumufikirini piyanyu namuna iyo, mana nisumuv̄ingani rohoni, wanyu mulio amba neka hari mwa zifungo za silisili zangu, mauri hari mwa idifaĩ na uhakikisha iIndjili, musurenga fuvu piyanyu hari mwa ineema nadjaãliwayo.

MAKOLOSIYA 4:3

Namurimiliye wasi wajau, ile Mungu ariɓuliye mulongo wa ujudza Urongozi wa iãdjaɓu yahusu Kristi, ilio amba ha siɓaɓu ya wiyo ɗe nafungwa.

MAKOLOSIYA 4:4

Ɓasi namunimiliye niirongowe mauri ɗe inamuna yalazimu niirongowe.

1 MATESALONIKA 2:2

Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole.

2 TIMUTAUSU 1:16

Raɓi naenedze urehema wahe hari mwa umuraɓa wa Onesiforu, mana anitria ɓari mara nyengi, wala kaona haya na silisili zangu.

2 TIMUTAUSU 2:9

Ha wiyo nisuondesheha, ata tsifungwa mauri murendrezi-mbovu. Ɓadi urongozi wa Mungu kawafungwa.

FILIMUNA 1:10

nisumilia hahoju umwana wangu wa shi uaminifu Onesimu, alio amba afanyiha mwana wangu uka yangu hari mwa silisili.

FILIMUNA 1:9

ne nisuona ɓorwa nihutafadali ha siɓaɓu ya uv̄endza. Ha inamuna nilio wami Ɓaulusu muɗuhazi, na zaidi ya v̄av̄o tsena mufungwa iv̄o nimurumishiao Kristi-Insa,

1 YUHANI 3:16

Ha zini risujua uv̄endza: ɗe amba waye Insa av̄a uhayati wahe ha faida yatru. Wasi wajau, rilazimu riv̄e uhayati watru ha faida ya uwananya.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.