MAEFESO 6:14 - Ha`bari Ndjema ya I Maore

¹⁴ V̄av̄o namukaze, mufunge mukandra wa ukweli trengani, amwesa mupindre uhaki ike ngwezi ya shuma.

MAEFESO 6:14 ပူးပေါင်းရင်းမြစ်များ

LUKASI 12:35

«Namudzihaze yimikandra marengani hanyu, na mahombe yanyu yapatswe.

MAROMU 13:12

Uku uendre mbeli, wa kariɓu na usha. Ɓasi narilishe zitrendro za shidzani, riɓange zizombo za iheu.

2 MAKORINTIYO 6:7

hari mwa umujudzio wa ikweli, tsena ha ushindzi wa Mungu, ha zizombo ziwaniao na ukingia ihaki;

MAEFESO 5:9

mana mavuna ya heu ɗe kula uwema, uhaki na ukweli.

MAEFESO 6:13

Ɓasi namurenge piya zombo za kondro za Mungu, ile mushindre mukingiye isuku mbovu iyo, amwesa ɓaanda itsokao amba muhisa ufanya piya, muhime wahodari.

1 MATESALONIKA 5:8

Ɓadi wasi rilio wa mutsana, narike hashiri. Naripindre uaminifu na uv̄endza, zirihifadhwi mauri ngwezi ya shuma, na itama ya uhuyifu mauri kofia ya shuma.

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

MUV̄ENULIO 9:17

Na hari mwa inida naiona, tsiono zifarasi na uwatru waka wazipandra namuna ini: Zifuɓani hawo wakana magwezi yendza range ya moro, murututu waiva, na dzindzano la shi vu la dzaha. ziZitswa za zifarasi zika mauri zitswa za simba, na hanyoni mwazo v̄wakolawa moro, mwesi, na vu dzindzano.

MUV̄ENULIO 9:9

Zifuɓani hayo v̄uka mauri magwezi ya shuma, na zikeme za maɓawa yayo zika mauri keme za magari ya farasi ha uwengi zendrao mbio kondroni.