MAEFESO 6:13 - Ha`bari Ndjema ya I Maore

¹³ Ɓasi namurenge piya zombo za kondro za Mungu, ile mushindre mukingiye isuku mbovu iyo, amwesa ɓaanda itsokao amba muhisa ufanya piya, muhime wahodari.

MAEFESO 6:13 ပူးပေါင်းရင်းမြစ်များ

LUKASI 21:36

Ɓasi namuke hashiri, muke hari mwa mamilio dahari-dahari, ile mukane ushindzi wa utralia piya trongo zizo zitsojao, tsena mushindre muhime hazahaza mbeli za uMwana wa Mwanadamu.»

LUKASI 8:13

Yao yapuliha hari mwa kawe, ɗe wale wamokia urongozi ule, waurengao ha furaha, ɓadi kausisi mizi. Wao uamini hari mwa muda ata wamodjereɓiwa, wao ulisha.

MAROMU 13:12

Uku uendre mbeli, wa kariɓu na usha. Ɓasi narilishe zitrendro za shidzani, riɓange zizombo za iheu.

2 MAKORINTIYO 10:4

Mana zombo riwanao nazo tsi za shiuɓinadamu, ɓadi zina ushindzi ulawao ha Mungu, ile zikomowe ngome.

MAEFESO 5:16

Namurumiye ha uzuri uwakati mulionawo, mana zisuku za mbovu.

MAEFESO 5:6

V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ.

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

YAKOƁU 4:7

Ɓasi namudzituĩse Mungu, mumukanyushe Iɓilisa, na waye atsomutralani.

1 MONYE 4:1

Ɓasi ha izo, iv̄o Kristi aondesheha mwilini, wanyu wajau namusike fikira ɗe wiyo-wiyo; mana mutru aondesheha mwilini, katawaliwa tsena na dhambi,

MUV̄ENULIO 3:10

Rangu wasika urongozi wangu amba usuɓiri, wami wajau nitsohusika wakati wa umudjereɓio utsojao hari mwa piya ishiv̄andre ya tsi iketsiwao, pare udjereɓu uwakazi wa ishiv̄andre ya tsi.

MUV̄ENULIO 6:17

Mana isuku ɓole ya hadhaɓu yawo iwaswili, na mbani ɗe atsoshindrao akingiye?»