MAEFESO 6:10 - Ha`bari Ndjema ya I Maore

¹⁰ Ha umalidza, namuhodarishiwe hari mwa uv̄umoja wanyu na Raɓi, ha zinguvu zendza ushindzi zahe.

MAEFESO 6:10 ပူးပေါင်းရင်းမြစ်များ

1 MAKORINTIYO 16:13

Namuke hashiri, musike hodari uaminifu wanyu, mudziv̄inge mauri watruɓaɓa, muke wahodari.

2 MAKORINTIYO 13:11

Zaɓaki v̄av̄o wananyangu, namufurahi, mukusudiye ukamilifu, namutriane ɓari, muke na nia moja, namuẽshi hari mwa amani. Na Mungu Monyewe uv̄endza na utrulivu atsoka v̄umoja na wanyu.

MAEFESO 1:19

na uɓole wazidi jeje wa ushindzi wahe ha tanafu yatru, wasi riaminio, ushindzi walingana na uɓole wa inguvu yahe

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAFILIPI 3:1

Yaɓaki, wananyangu wa shi uaminifu, namufurahi hari mwa uv̄umoja wanyu na Raɓi. Kaisunitaãɓisha umuangishiani trongo ɗe wizo-wizo, na hanyuju, iyo hifadhwi.

MAFILIPI 4:13

Kula trongo wami uishindra ha uv̄umoja wangu na uwo aniv̄ao nguvu.

MAFILIPI 4:8

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

MAKOLOSIYA 1:11

amwesa raha muhodarishihe hari mwa piya zitrongo, ha inguvu ndzitukufu yahe, ile mukane ustahamilifu na suɓira hari mwa piya, tsena ha furaha.

2 TIMUTAUSU 2:1

Ɓasi wawe, mwana wangu, dzihodarishe hari mwa irehema iparihanao ha Kristi-Insa.

2 TIMUTAUSU 4:17

Ɓadi Raɓi ɗe aka na wami, anihodarisha ile pare ha wami, umutekelezio wa iHaɓari ufanyishihe ha ukamilifu, tsena ukilihwane na piya zinishani kazimuji Mungu. Ɓasi tsikombolwa na ihanyo ya simba.

1 MONYE 3:8

Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.

1 MONYE 4:11

Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

1 YUHANI 2:14

Tsimuangishiani wanyu wana, mana musumujua Ɓaɓa. Tsimuangishiani wanyu maɓaɓa, mana musumujua uwo alio rangu mwandro. Tsimuangishiani mashaɓaɓi, mana wanyu wahodari, mana urongozi wa Mungu usuketsi hanyuju, amwesa mushindri uMovu.