MAEFESO 5:24 - Ha`bari Ndjema ya I Maore

²⁴ Ɓasi mauri ɗe iDjama Ndziwaminifu iv̄o idzihetsio tayari ya umutuĩ Kristi, watruwashe nawake tayari ya utuĩ waume wawo hari mwa piya.

MAEFESO 5:24 ပူးပေါင်းရင်းမြစ်များ

LUKASI 10:17

Watru saɓwini wale waregea na furaha, amwesa warongoa: «Raɓi, yamazetwani ne yasurituĩ ha lidzina laho!»

MAEFESO 5:23

Mana mutrumume waye ɗe shitswa wa umutrumushe, mauri ɗe Kristi alio shitswa wa iDjama Ndziwaminifu ilio mwili wahe, waye alio uMuhuyifu wayo.

MAEFESO 5:25

Na watruwaume, kula moja nav̄endze mushe wahe, mauri Kristi namuna av̄endza iDjama Ndziwaminifu, adzitoa fidia ha siɓaɓu ya wiyo,

MAEFESO 5:33

Ɓadi namuna yotsi itsokao, kula moja mengoni mwanyu nav̄endze mushe wahe mauri ɗe waye monyewe, na mutrumushe astehi mume wahe.

MAKOLOSIYA 3:20

Wanyu wana, namutuĩ wadzaɗe wanyu hari mwa piya, mana iyo umujiv̄ia Raɓi.

MAKOLOSIYA 3:22

Wanyu warumwa, namutuĩ warumisa wa shiulemenguni wanyu hari mwa piya, tsi tu amba matsoni hawo mauri musutsaha mujiv̄idze wanadamu, ɓadi ha umo warahara, na ha umuria Raɓi.

TITUSA 2:7

Hari mwa piya zitrongo, dzihetsi uke mufano hari mwa zitrendro ndjema: musomo waho naurahare, uke mutru wa kusudi,

TITUSA 2:9

uWarumwa nawadzituĩse ha wanyewe wawo hari mwa trongo piya, wawajiv̄idze, wasushindrane na wao,