MAEFESO 5:20 - Ha`bari Ndjema ya I Maore

²⁰ Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

MAEFESO 5:20 ပူးပေါင်းရင်းမြစ်များ

YUHANI 15:16

Wanyu tsi ɗe mwanitsahua, ɓadi wami ɗe namutsahuani, tsena namuhetsini mwendre muv̄inge mavuna, na mavuna yanyu yaẽshi, pare trongo yotsi mutsomumiao Ɓaɓa ha lidzina langu, amutakaɓaliyeniyo.

MAV̄INGIZI-RISALA 5:41

yaMav̄ingizi-Risala yale yalawa hari mwa uMungulidzano wa Waɓole, wafurahi ha iv̄o waonehana amba wastahiki warendrwe mbovu ha siɓaɓu ya lidzina la Insa.

MAROMU 1:8

Raɓuzi, nisumuhimidia Mwalangu Mungu ha ndzia ya Insa Kristi ha wanyu piyanyu, ha iv̄o uaminifu wanyu usifiwao hari mwa lidunia kamili.

1 MAKORINTIYO 1:4

Ha daima nisumuhimidia Mungu ha siɓaɓu ya wanyu na ineema amudjaãlianiyo ha uv̄umoja wanyu na Kristi-Insa.

1 MAKORINTIYO 15:24

Amwesa umwiso utsoja, wakati atsov̄elehao ufalume ha Mungu amma Ɓaɓa, ɓaanda itsokao amba aangamidza kula utawalizi, kula yezi, na kula ushindzi.

MAEFESO 5:4

V̄usuke marongozi yendza aĩɓu, ya shi ugedze, wala mayi; izo tsi ndzuzuri. Ɓadi ha kinyume, namukane marongozi yendza himida.

MAFILIPI 1:3

Nisumuhimidia Mwalangu Mungu kula namomunahanani.

MAFILIPI 4:6

Musudzitriye hamu na itsokao yotsi, ɓadi hari mwa kula trongo, ha ĩɓada na mamilio v̄umoja na himida, namumujudze Mungu hadja zanyu.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

1 MATESALONIKA 3:9

Ha kiasi jeje rishindrao rimuhimidiye Mungu husuana na wanyu, ha piya ifuraha rilionayo ha siɓaɓu ya wanyu mbeli za Mungu watru?

1 MATESALONIKA 5:18

hali yotsi mutsokao namushukuriye, mana hanyuju yao ɗe mav̄endzeleo ya Mungu hari mwa uv̄umoja na Kristi-Insa.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

2 MATESALONIKA 2:13

Hatruju wasi, risulazimu rimuhimidiye Mungu ha daima ha siɓaɓu ya wanyu wananya wa shi uaminifu wav̄endzewa wa Raɓi, mana Mungu amutsahuani rangu mwandro mupare ukombofu ha iRoho itwaharishao na ha uaminifu wa ukweli.

MAHEƁRANIYA 13:15

Ɓasi ha indzia yahe Insa, narimutamaniye Mungu dahari sadaka la sifa, ne ɗe mavuna ya hanyo zatru zikuɓalio ha hadhwira dzina lahe.

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 MONYE 4:11

Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.