MAEFESO 4:32 - Ha`bari Ndjema ya I Maore

³² Namuke wema na roho zendza poreho wanyu na wanyu; namuswamihiane, mauri ɗe inamuna Mungu amuswamihini ha uv̄umoja wanyu na Kristi.

MAEFESO 4:32 ပူးပေါင်းရင်းမြစ်များ

MATIYO 6:12

Riswamihi mahosa yatru, mauri ɗe wasi wajau, heli riswamihio wao warikosa.

MARKUSI 11:25

Na neka musuhima mufanye mamilio, ne muna trongo kinyume na mutru, namumuswamihi, ile Ɓaɓanyu alio mbinguni amuswamihini mahosa yanyu wajau. [

LUKASI 1:78

ha siɓaɓu ya uwema wa urehema wa Mungu watru, ulio amba ha uwo iheu ya jua la uhea irilawia rangu uju,

LUKASI 11:4

Riswamihi madhambi yatru, mana wasi wajau uswamihi kula arikosao, wala usurilishe radjereɓiwa.› »

LUKASI 17:4

Na neka ahukoso mara saɓa hari mwa suku, amwesa ahujilia mara saɓa ha ujutsa na utsaha muswamaha, v̄av̄o muswamihi.»

LUKASI 6:35

Ɓadi namuv̄endze maãduwi yanyu, namurendre zema, mwazime, ɓila utumainia ata shitru. Na thawaɓu yanyu itsoka ɓole, tsena mutsoka wana wa Monyewe Uju rahana Uju; mana waye mwema ha wao kawamuhimidia, na ha waovu.

LUKASI 6:37

«Musulaumu, na wanyu kamutsolaumiwa; musuisiye, na wanyu kamutsoisiwa; namuswamihi, na wanyu mutsoswamihiwa.

MAV̄INGIZI-RISALA 28:2

Wanyeji warionesa uwema wa midjuza halisi, warikariɓisa hari mwa moro muɓole waka wauvudza, mana vua yakoshuka, tsena v̄uka ɓaridi.

MAROMU 12:10

Namuv̄endzane wanyu na wanyu ha huɓa ya shi unanya; namukane djitihadi ya uhishimiana.

1 MAKORINTIYO 13:4

Uv̄endza ukana suɓira, na uwema. Uv̄endza kaina uwivu, uv̄endza kaidzirendre, kaidziono,

2 MAKORINTIYO 2:10

Na uwo mwamuswamihi, wami wajau nisumuswamihi. Namoswamihi, neka amba v̄wa trongo ya wami uswamihi, ɗe ha siɓaɓu ya wanyu mbeli za Kristi,

2 MAKORINTIYO 2:7

ha namuna amba ya ɓorwa mumuswamihi na umutrulidza, ile asuje azidishiwa na huzuni yatupa.

2 MAKORINTIYO 6:6

hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli,

MAEFESO 5:1

V̄av̄o namuke watiɓizi wa Mungu, iv̄o mulio wana wav̄endzewa wahe.

YAKOƁU 5:11

Wasi urongoa amba waɓarikishiha wao wastahamili. Mukia amba v̄urongolwa ustahamilifu wa Ayuɓa, tsena muono umwiso Mola amudjaãliawo, kiasi Mola aliona urehema na poreho ha uwengi.

2 MONYE 1:7

na ju la maendreleo ya ĩɓada, uv̄endza wa shiunanya, na ju la uv̄endza wa shiunanya, mahaɓa.

1 YUHANI 1:9

Ɓadi neka risukuɓali madhambi yatru, waye muaminifu, tsena mwendza haki. Ɓasi atsoriswamihi madhambi yatru, na urirahatsa na kula uovu.

1 YUHANI 2:12

Nisumuangishiani wana wangu, mana madhambi yanyu yaswamihiwa ha siɓaɓu ya lidzina lahe.