MAEFESO 4:31 - Ha`bari Ndjema ya I Maore

³¹ Ɓasi nazitolwe hari mwa wanyu kula unyongo wa roho, utukifu, hadhaɓu, umani, uruhana, tsena na kula aina ya uovu.

MAEFESO 4:31 ပူးပေါင်းရင်းမြစ်များ

MAV̄INGIZI-RISALA 21:30

Piya liɗago litsutsuha, watru wakorema mbio waparane ulawa piya zikotso. Wamusiki Ɓaulusu, wamugogora v̄ondze mwa iNyumba Ndzitwaharifu, amwesa sa ile kamwe yimilongo yiɓalwa.

MAROMU 3:14

«Hanyo yawo ijaya madzapizo na uhali.»

1 MAKORINTIYO 14:20

Wananyangu, musuke wanatsa hari mwa unamuzi. Hari mwa yahusu imbovu, namuke wanazaza, ɓadi yahusu unamuzi, namuke watru waɓalihi.

1 MAKORINTIYO 5:8

Ɓasi v̄av̄o narifanye umusherehio, ɓila tsi na lalive ya zamani, wala tsi na lalive ya uovu na upeu, ɓadi na madipe kayana lalive ya uraharifu na ukweli.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

MAGALATWIYA 5:20

uãɓudu masanamwe, utsayi, uãduwi, umani, uwivu, hasera, ushifuɓa, mitsapushiano, mifarikishano,

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

MAEFESO 4:25

Ɓasi namulishe unafiki, kula moja hari mwanyu aambiye munyahe ikweli, mana ra ziga za wasi na wasi.

MAEFESO 4:26

Mwamongia hasera, musulishe hasera zanyu zamuv̄ingani mwaãswi, na jua lasutswe hari mwa hasera zanyu.

MAKOLOSIYA 3:19

Watruwaume, kula mutru nav̄endze mutrumushe wahe, wala mwasuke wahali na wao.

MAKOLOSIYA 3:8

Ɓadi av̄asa, wanyu wajau, namulatse piya zini: hasera, utukifu, upeu, uruhana, na marongozi maovu yalawao hanyoni.

1 TIMUTAUSU 3:11

Na watruwashe wajau, walazimu wake watru wakasidi, ike amba wao kawatefwa, washindre wadziziye, wake waaminifu hari mwa kula trongo.

1 TIMUTAUSU 3:3

Kalazimu aka mulevi, wala mumani, ɓadi makini, asuke muguguru, wala muv̄endza-marike.

1 TIMUTAUSU 5:13

Na zaidi ya v̄av̄o, iv̄o kawana za ufanya, wao urenga udzevu wa ungia na ulawa hari mwa miraɓa. Tsi tu amba kawana za ufanya, ɓadi tsena waɓaɓufu na upasiwa na tsi zawo, amwesa urongoa zilio amba kayalazimu warongoa.

2 TIMUTAUSU 2:23

Ɓauha malaguzi ya shiujinga kayana mana, ha ujua amba yao uv̄inga umani.

2 TIMUTAUSU 3:3

kawatsov̄endza wanyawo, kawatsoswamihi, watsonazi, kawatsodzizia, watsoka wahali, maãduwi ya zindjema,

TITUSA 1:7

Kweli amba dhwamana wa Djama Ndziwaminifu, rangu alio mushangirizi wa Mungu, alazimu ake ɓila tuhuma. Kalazimu aka mwendza hanyo, mwendza hasera, mulevi, mumani, wala adziparia ha namuna kayalazimu.

TITUSA 2:3

Watrumama wendza maha wajau, wakane maendreleo yastahiki watwaharifu. Ike amba wao kawatefua, wala wasuke walevi, ɓadi wasomedze zilio ndjema,

YAKOƁU 1:19

Namujuwe wananya wa shi uaminifu wav̄endzewa wangu: kula mutru nake mwangu wa uvulishia, ake mudziro wa ulagua, mudziro wa uhadhaɓiha,

YAKOƁU 3:14

Ɓadi neka rohoni hanyu muna uwivu muhali, na taɓia ya udziwanilia, ɓasi mwasudzifahari, wala mwasulaɓe ikweli.

YAKOƁU 4:11

Mwasusingidziane wananyangu. Mutru asingidziao mwananya wa shi uaminifu au anamuao mwananyahe, asusingidzia iSharia na uinamua. Na neka usunamua iSharia, v̄av̄o kusi mutru aiɗungao, ɓadi wa munamuzi.

1 MONYE 2:1

Namutsuwe ɓasi kula uovu, kula udangamanyifu, unafiki, uwivu, na kula musingidzio.

1 YUHANI 3:12

Rasuke mauri Kayinu, alio amba aka wa uMovu|Movu, tsena amuula mwananyahe. Na manatrini amuula? Mana zitrendro zahe zika mbovu, na za mwananyahe zika za haki.

1 YUHANI 3:15

Yotsi aengao munyahe, waye muula, na musujua amba kav̄u muula alio amba uhayati wa daima uka moni hahe.

MUV̄ENULIO 12:10

Ɓas v̄ale tsikia ulawa pev̄oni ji lendza nguvu lakorongoa: «Av̄asav̄anu ziwaswili uwokovu, ushindzi, utawalizi wa Mungu watru, na iyezi ya Kristi wahe. Mana avutswa v̄ondze, umusingidza wa wananyatru akowasingidza mbeli za Mungu watru uku na mutsana.