MAEFESO 4:30 - Ha`bari Ndjema ya I Maore

³⁰ Musutriye huzuni iRoho Ndzitwaharifu ya Mungu, iRoho ilio amba ha wiyo muremwa muhuri wa isuku ya ukombofu.

MAEFESO 4:30 ပူးပေါင်းရင်းမြစ်များ

MARKUSI 3:5

Ɓas, Insa av̄eleha matso yahe, awaangalia ha utukivu, akana huzuni ɓole ha siɓaɓu ya uhali wa ziroho zawo. Aambia mutru ule: «Ondzoa muhono waho.» Auondzoa, na muhono wahe urudi munono.

LUKASI 21:28

Trongo izo zamoandrisa uhidjiri, namuhime, mudzuwe zitswa zanyu, mana uwokovu wanyu usukuruɓia.»

YUHANI 3:33

Ɓadi mutru akuɓalio ushahidi wahe, waye udhiɓitisha amba Mungu, waye kweli.

MAV̄INGIZI-RISALA 7:51

Wanyu wendza shitswa shiyi na roho ndzikaidi, mwafa na yamakio! Ha dahari yanyu, musendra kinyume na iRoho Ndzitwaharifu. Wanyu sawa na wadzaɗe wanyu.

MAROMU 8:11

Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

MAROMU 8:23

Wala tsi wizo tu ɓasi, ɓadi wasi wajau riliona yamavuna ya handra ya iRoho, wasi wajau risuulula moni hatru, ha ulindra itrongo ya ufanyiha wana, ha ukombofu wa umwili watru.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 15:54

Wakati itsokao amba ndziangamia ipindri itsindziangamia, na ndzifa ipindri itsindzifa, v̄av̄o urongozi wa uMuangishio Mutwaharifu unu utsotsimidziha: «Ufa uzimwa hatwi na ushindrifu mukamilifu.»

1 MATESALONIKA 5:19

Mwasuɓaliliye iRoho.

MAHEƁRANIYA 10:29

Ɓasi mara ngav̄i, musufikiri, utsokao udziro wastahiki ishiv̄ondro ya uwo itsokao amba agaɗa uMwana wa Mungu, atefua idamu ya umukataɓa ilio amba ha wiyo atwaharishiwa, aruhana iRoho ya irehema?

MAHEƁRANIYA 3:10

Iyo ɗe imana natukiwa na dunia lilo ata narongoa: ‹Ha daima roho zawo upotea, kawajua ndzia zangu.›

MAHEƁRANIYA 3:17

Na kinyume na wav̄i Mungu aka ahadhaɓiha pandza la maha aruɓaini? Hali tsi kinyume na wao waka waãswi, wafa, maiti zawo zapuliha padzaju?