MAEFESO 4:25 - Ha`bari Ndjema ya I Maore

²⁵ Ɓasi namulishe unafiki, kula moja hari mwanyu aambiye munyahe ikweli, mana ra ziga za wasi na wasi.

MAEFESO 4:25 ပူးပေါင်းရင်းမြစ်များ

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

MAROMU 12:5

Ɗe ha inamuna iyo wajau wasi rilio wengi, ra mwili moja ha uv̄umoja watru na Kristi, iv̄o piyasi rilio ziga kula moja ha wanyahe.

1 MAKORINTIYO 10:17

Ɓasi iv̄o v̄ulio dipe moja, wasi ha uwengi watru, ra mwili moja, mana piyasi risurenga fuvu hari mwa dipe moja lilo.

2 MAKORINTIYO 7:14

Neka amba tsidzifaharisha mwanapav̄i mbeli zahe ha siɓaɓu ya wanyu, tsaparwa na aĩɓu. Mauri ɗe inamuna ilio amba ha ukweli ɗe ralagua na wanyu, ɓasi izo raka radzifaharisha nazo zapatana na wanyu mbeli za Titusa, ziv̄enuha wajau amba kweli.

MAEFESO 4:15

Ɓadi ha urongoa ikweli ha mahaɓa, ritsohua hari mwa piya zitrongo ha ukaɓili inamuna ya ule alio ishitswa, ne ɗe Kristi.

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

MAEFESO 4:31

Ɓasi nazitolwe hari mwa wanyu kula unyongo wa roho, utukifu, hadhaɓu, umani, uruhana, tsena na kula aina ya uovu.

MAEFESO 5:30

mana wasi ziga za umwili wahe.

MAKOLOSIYA 3:8

Ɓadi av̄asa, wanyu wajau, namulatse piya zini: hasera, utukifu, upeu, uruhana, na marongozi maovu yalawao hanyoni.

MAKOLOSIYA 3:9

Musulaɓane wanyu na wanyu, rangu mwadzitsua utru wa hale na zitrendro zawo,

1 TIMUTAUSU 1:10

ihetsiwa wajau ha wendza shahawa mbovu, watruɓaɓa waendreleanao, wao wafanyao ɓahazazi za wanadamu, wanafiki, walav̄izi wa trambo, wajau na kula yendrao kinyume na musomo mwema

1 TIMUTAUSU 4:2

yilio amba yiyo uja ha unafiki wa watru wendza marongozi ya trambo, walio amba likoho la unamuzi lawo hari mwa ndjema na mbovu uka mauri livudzwa ha shuma ya moro.

TITUSA 1:12

Ata moja mengoni mwawo alio mutrume hawo, arongoa: «Makireta ha dahari wanafiki, zinyama za peu, mav̄endzoɗya wendza shiɗa.»

TITUSA 1:2

Ukweli uwo, ɗe itama ya uhayati mukamilifu wa daima, watolwa wahadi kaɓula ya umwandro wa yimida na Mungu tsi murongoa-trambo.

MAHEƁRANIYA 12:1

Ɓasi ha izo wasi wajau, iv̄o razingidziwa na vingu ɓole namuna iyo la mazahidi, naritruwe kula mudzo na lidhambi liriv̄ambanisao ɓure-ɓure tu, amwesa rendre mbio v̄umoja na ustahamilivu hari mwa yamashindrano ralishiwayo.

YAKOƁU 1:21

Ɓasi v̄av̄o namudziɓause na kula tsama, na kula uyi watupa mupaka, murenge ha utaratiɓu uUrongozi ulio amba utaɓilwa moni hanyu, tsena ushindrao uhuyi roho zanyu.

1 MONYE 2:1

Namutsuwe ɓasi kula uovu, kula udangamanyifu, unafiki, uwivu, na kula musingidzio.

MUV̄ENULIO 21:8

Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»

MUV̄ENULIO 22:15

Na v̄ondze oho ɗe wanadamu mbwa, watsayi, wendza taɓia za shahawa kazalazimu, maula, maãɓudu masanamwe, na yotsi av̄endzao na ufanya unafiki.