MAEFESO 4:23 - Ha`bari Ndjema ya I Maore

²³ tsena ilazimu mufanyihe watru wav̄ia hari mwa ziroho na zifikira,

MAEFESO 4:23 ပူးပေါင်းရင်းမြစ်များ

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

MAROMU 6:4

Hari mwa umuɓaĩsho|uɓaĩsha wa ufa uwo, v̄av̄o ridzihwa v̄umoja na waye, ile pare mauri ɗe inamuna Kristi aregezewa hayi ha ulawa hari mwa ufa ha utukufu wa Ɓaɓa, wasi wajau rikane maendreleo ya uhayati muv̄ia.

MAROMU 8:6

Ushahilifu wa fikira za ihali ya shiuɓinadamu uv̄inga hari mwa ufa, ɓadi ushahilifu wa fikira za iRoho uv̄inga hari mwa uhayati na utrulivu wa roho.

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAKOLOSIYA 3:10

mwadzipindrisa utru muv̄ia ulio amba usendra na ufanyiha muv̄ia hari mwa ujuzi ulinganao na umufano wa Uwo auumba.

TITUSA 3:5

arihuyi, tsi amba rifanya zitrendro zamujiv̄ia, ɓadi ha urehema wahe monyewe. Arihuyi ha umuhoseo wa umudzalio muv̄ia, na umuregezeo-muv̄ia uv̄ingwao na iRoho Ndzitwaharifu,

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.