MAEFESO 4:20 - Ha`bari Ndjema ya I Maore

²⁰ Ɓadi wanyu, tsi namuna iyo ɗe mwamujua Kristi.

MAEFESO 4:20 ပူးပေါင်းရင်းမြစ်များ

MATIYO 11:29

Namutrihe mulandza wangu, mufundrihe hangu, mana wami mutrulivu, tsena muekevu wa roho; na v̄av̄o wanyu mutsopara uv̄umuzi wa roho zanyu.

LUKASI 24:47

Na itrongo ya uendra toɓa na yamadhambi yaswamihiwa, zilazimu zijudziwe ha lidzina lahe ha piya zinishani, uandrisa rangu Yerusalemu.

YUHANI 6:45

V̄uangihwa moni mwa yimiangishio ya yimitrume: ‹Watsosomedzewa piyawo na Mungu.› Kula mutru amuvulishia Ɓaɓa, tsena apara umusomo wahe, unijilia.

MAEFESO 4:21

Neka anga amba kweli yahusu waye ɗe mwakia, tsena neka amba ha uv̄umoja wanyu na waye ɗe mwasomedzewa ha ulingana na ukweli ulio ha Insa,

1 YUHANI 2:27

Yahusu wanyu, umudjukumisio mwaupara ulawa hahe, nauɓaki moni hanyu, tsena tsi paka mutru amusomedzeni; ɓadi rangu umudjukumisio wahe usumusomedzani zitrongo piya, na uwo kweli, wala tsi trambo, namuɓaki hari mwa uv̄umoja na waye, mauri ɗe inamuna uwo wamusomedzani.