MAEFESO 4:19 - Ha`bari Ndjema ya I Maore

¹⁹ Walatsishiwa na itrongo ya uona haya; wadzitria hari mwa taɓia mbovu na ufanya ɓila udzizia kula namuna ya utshafi.

MAEFESO 4:19 ပူးပေါင်းရင်းမြစ်များ

MARKUSI 7:22

uwidzi, uv̄endza upara, zitrendro mbovu, udangamanyifu, maendreleo mboya, uona uwivu, ukufuru, udziona, na ujinga.

MAEFESO 4:17

Ɓasi tsini itrongo niirongoao tsena niishadidishao hari mwa uv̄umoja wangu na Raɓi: ɗe amba kamwalazimu mwadziv̄inga tsena mauri ɗe inamuna wadziv̄ingao watru wa zinishani zangina, walio amba fikira zawo kazina faida.

MAKOLOSIYA 3:5

Ɓasi namuule zitrongo za itaɓia ya shiduniani mulionayo, mauri: uzani, utshafi, taɓia za shahawa, ngushauku mbovu na uv̄endza-upara, ilio sawa na uãɓudu masanamwe.

1 TIMUTAUSU 4:2

yilio amba yiyo uja ha unafiki wa watru wendza marongozi ya trambo, walio amba likoho la unamuzi lawo hari mwa ndjema na mbovu uka mauri livudzwa ha shuma ya moro.

1 MONYE 4:3

Kweli amba wakati mwauv̄itsa nyuma oho ha ufanya mav̄endzeleo ya watru kawamuji Mungu utosho, mauri maẽsha yendza ushirikina, shahawa za peu, ulevi, malangadzo ya peu, karamu zilezao, na ĩɓada ndzilaãnifu za masanamwe.

2 MONYE 2:22

V̄av̄o waparwa na urongozi wa mufano wa kweli unu: «Mbwa uregea hari mwa trav̄iha layo», tsena amba: «Puruku ɓaanda lahoswa, urudi lidziv̄ingirisa hari mwa godra.»

YUDA 1:11

Maondo haoju! Mana waɗungu indzia ya Kayinu; ha siɓaɓu ya mupario, wadzilatsa hari mwa upotevu wa Ɓalahamu, tsena hari mwa mutsutsuho mauri Kurah ɗe wandra wadziangamidza.

MUV̄ENULIO 18:3

Mana piya zinishani zino ushi wa uzindzi muhali wahe. Wafalume wa ishiv̄andre ya tsi wakozingana na waye, na maɓahazazi wa shiv̄andreju mwa tsi watadjirishiha ha ndza zahe za uzuri wazidi.»