MAEFESO 4:17 - Ha`bari Ndjema ya I Maore

¹⁷ Ɓasi tsini itrongo niirongoao tsena niishadidishao hari mwa uv̄umoja wangu na Raɓi: ɗe amba kamwalazimu mwadziv̄inga tsena mauri ɗe inamuna wadziv̄ingao watru wa zinishani zangina, walio amba fikira zawo kazina faida.

MAEFESO 4:17 ပူးပေါင်းရင်းမြစ်များ

LUKASI 16:28

Muv̄elehe ile awatoleye ushahidi, pare wasuje wajau hari mwa v̄ahanu v̄wa matreso v̄anu.›

MAV̄INGIZI-RISALA 14:15

ha ushelemedza: «He wanyawe, manatrini ata mufanyao trongo zizo? Wasi ne wanadamu wajau mauri ɗe wanyu, amwesa risumuv̄ingiani haɓari ndjema na umusariɓiani muɓauhe zitru kazina manufa zizo, muzinge ha Mungu alio hayi, Monyewe uumba uwingu, ishiv̄andre ya tsi, iɓahari, na piya zilio moni hazo.

MAV̄INGIZI-RISALA 18:5

Wakati Silasi na Timutausu wawaswili ha ulawa Makadoniya, Ɓaulusu akorumia piya uwakati wahe ha ujudza uUrongozi wa Mungu. Akolawa ushahidi mbeli za yaMayahudi amba Insa ɗe Mutsahuliwa.

MAV̄INGIZI-RISALA 2:40

Amwesa ha marongozi yangina mengi tu, Monye atowo ushahidi na uwatria ɓari ha zini: «Namudzihuyi na lidunia la peu lini.»

MAV̄INGIZI-RISALA 20:21

ha uhira rangu yaMayahudi ata tsi Mayahudi, wazingise roho zawo ha Mungu na umuamini Raɓi watru Insa-Kristi.

MAROMU 1:21

Mana ata ha iv̄o wamujua Mungu, ne kawamutukuza amba Mungu, wala kawamuhimidia, ɓadi walatsiha hari mwa fikira kazina mana zawo na inafusi yendza ujinga yawo ifinikiha na shidza.

1 MAKORINTIYO 1:12

iTrongo niirongoao ɗe ini, amba kula moja hari mwanyu asurongoa: «Wami wa Ɓaulusu»; na wangina: «Wami wa Aɓulusu»; wangina tsena: «Wami wa Sefasi»; na tsena v̄wa wangina arongoao: «Wami wa Kristi.»

1 MAKORINTIYO 15:50

iTrongo nimuambiaoni wananyangu, ɗe amba nyama na damu kazishindri uwarithi Utawalizi wa Mungu, tsena shitru muangamia kaiwarithi shitru tsi muangamia.

2 MAKORINTIYO 9:6

Namujuwe amba: Monyewe utaɓu ha ushashi, atsovuna ha ushashi, na uwo ataɓuo ha uwengi, atsovuna ha uwengi.

MAGALATWIYA 3:17

Trongo nitsahao niirongowe ɗe ini: Mukataɓa wafungwa na Mungu namuna yastahiki, kautsojua wazimwa na iSharia yaja ɓaanda ya maha aruɓamiya wa thalathini, trongo itsoɓuliao uwahadi wa Mungu.

MAGALATWIYA 5:3

Nisuishadidisha tsena ha kula mutru adzilishao atahiriwe: alazimu atuĩ iSharia ha ukamilifu wayo.

MAEFESO 1:22

Atria piya utsini na yimindru yahe, tsena amuv̄a ake Shitswa uju mwa piya ha iDjama Ndziwaminifu

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

MAKOLOSIYA 2:18

Musudzilishe mwarav̄wa ushindrifu na mutru yotsi adzijiv̄idzao ha uwekevu wa trambo na ĩɓada ya malayika; mutru namuna iyo udzihetsi hari mwa izo aonao, na udziɓua tu ɓure-ɓure ha fikira za shiuɓinadamu zahe.

MAKOLOSIYA 2:4

Nisurongoa zizo pare v̄usuke mutru amudanganyani ha marongozi yendza ladha.

1 MATESALONIKA 4:6

Hari mwa itrongo iyo, v̄usuke mutru akosa mwananya wa shi uaminifu, wala amurendra mbi, mana Mola uɗiv̄ia piya trongo zizo, mauri ɗe inamuna madza ramuambianiyo na umuhakikishani.

1 TIMUTAUSU 5:21

Nisuhuosia mbeli za Mungu, mbeli za Kristi-Insa, na mbeli za zimalayika ndzitwaharifu, utuĩ ãmuri zizo pasipo ya mav̄endzeleo wala utsahulivu.

1 TIMUTAUSU 6:13

Nisuhuãmurisha mbeli za Mungu av̄ao uhayati zitru piya, na mbeli za Kristi-Insa alio amba atoa ushahidifu ha mukuɓalisho mwema mbeli za Pontiusu Ɓilatusa:

2 TIMUTAUSU 4:1

Nisuhurayi mbeli za Mungu na mbeli za Kristi-Insa atsohukumuo wao walio hayi na wao wafa, tsena ha siɓaɓu ya umuv̄enulio wahe na utawalizi wahe, amba:

1 MONYE 1:18

Namujuwe amba tsi ha zitru muangamia mauri fedha au dhahaɓu ɗe mwakombolwa hari mwa yamaendreleo kayana mana mwayawarithi ha wadzaɗe wanyu,

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.