MAEFESO 4:11 - Ha`bari Ndjema ya I Maore

¹¹ Waye ɗe afanya amba ɓaãdhwi wake Mav̄ingizi-Risala, wasalia wake watru wajudzao marongozi washukidziwawo, wasalia amba wajudzizi wa iHaɓari Ndjema, na wasalia amba watsunga, iv̄o watru wasomedzao waaminifu,

MAEFESO 4:11 ပူးပေါင်းရင်းမြစ်များ

MATIYO 28:20

muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

MAV̄INGIZI-RISALA 13:1

Hari mwa iDjama Ndziwaminifu ya Antiyokiya, v̄uka watru wakoshukidziwa marongozi ya shi mutrume, tsena v̄uka amba wakosomedza: Ɓarnaɓasi, Sameana akohiriwa Muɗu, Lukiyusu wa shi Kureniya, Manayinu aka alelwa na wakala Hirudu, na Saulusu.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAV̄INGIZI-RISALA 21:8

iSuku yaɗunga v̄ale rilawa, rendre Kaisariya. Hule ringia ha Filiɓusa, mujudzizi wa iHaɓari Ndjema aka mengoni na watru saɓa wale watsahulwa Yerusalemu; riɓaki hahe.

MAROMU 12:7

Uwo adjaãliwa ineema ya urumishi, narumishiye, na uwo alio amba ya usomedza, nasomedze.

1 MAKORINTIYO 12:4

Kweli amba v̄wa tafauti za neema, ɓadi Roho ɗe wiyo-wiyo.

MAEFESO 2:20

Muja muundrwa hari mwa umusingi wafanyiha ha yaMav̄ingizi-Risala|Mav̄ingizi-Risala na yimitrume, musingi ulio amba Insa-Kristi waye-waye ɗe liɓwe la nyongaju.

MAEFESO 3:5

Ãdjaɓu iyo kayaka yajudziwa ha wana wa wanadamu hari mwa yimida yav̄ira, mauri ɗe inamuna yav̄enulwa av̄asa na iRoho ha watwaharifu wahe, yaãni Mav̄ingizi-Risala na wao wajudzao marongozi ya shi mutrume washukidziwawo,

MAEFESO 4:8

Iyo ɗe imana amba v̄urongolwa: «Uhea yahe v̄ahanu v̄wa uju, av̄ingi wafungwa wamuɗunge, amwesa av̄a neema wanadamu.»

2 TIMUTAUSU 4:5

Ɓadi wawe, kana fahamu laho hari mwa piya zitrongo, stahamili yamaondo, fanya ihazi ya mutrangizi wa iHaɓari Ndjema, tsimidza ha ukamilifu urumishi waho.

MAHEƁRANIYA 5:12

Wala ukana ika ilazimu muke wasomedza iv̄o mida yiyo yav̄ira, ne musutsaha raha musomedzewe ziharufu za handra za marongozi ya Mungu. Mufanyiha amba musutsaha dzia raha, ɓadi tsi shahula mangavu.

YUDA 1:17

Ɓadi wanyu wav̄endzewa, namunahane marongozi yatolwa rangu kaɓula na yaMav̄ingizi-Risala|Mav̄ingizi-Risala ya Raɓi watru Insa-Kristi.

MUV̄ENULIO 18:20

Furahi ha uangamifu walo, wawe mbingu! Wanyu wajau watwaharifu, Mav̄ingizi-Risala na wanyu mujudzao marongozi ya shi mutrume mwashukidziwa. Mana Mungu amuv̄ani haki ha umuhukumu.»

MUV̄ENULIO 21:14

iNgome ya liɗago ikana misingi kumi na mili, yaka yaangihwa yamadzina kumi na maili ya yaMav̄ingizi-Risala|Mav̄ingizi-Risala kumi na maili ya uMwana Ɓariɓari.