MAEFESO 4:1 - Ha`bari Ndjema ya I Maore

¹ Ɓasi nisumutriani ɓari, wami nilio mufungwa ha siɓaɓu ya urumishi wangu ha Raɓi, mukane maendreleo yastahiki umuhirio mwaupara,

MAEFESO 4:1 ပူးပေါင်းရင်းမြစ်များ

MAV̄INGIZI-RISALA 9:31

Wakati ule iDjama Ndziwaminifu hari mwa piya iYudeya, iGalilaya na iSamariya ika hari mwa amani. Yakohodarishiha na uẽshi ha umutuĩ Mola, tsena yakoengedzeha ha umusada wa iRoho Ndzitwaharifu.

MAROMU 11:29

Mana Mungu amodjaãlia zineema zahe na umuhirio wahe, waye karudi nyuma.

MAROMU 12:1

Ɓasi wananyangu, ha siɓaɓu ya urehema wa Mungu, nisumutriani ɓari muelehe umwili wanyu ha Mungu amba kafara lilio hayi, twahara limujiv̄iao Mungu. Iyo ɗe ĩɓada ya kweli yamulazimuni.

1 MAKORINTIYO 4:16

Ɓasi nisumutafadalini murenge mufano wangu.

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 5:20

Ɓasi wasi mawakala wa Kristi, na Mungu waye-waye ɗe amuhiraoni ha ndzia yatru. Risumumiani ha lidzina la Kristi, namudzilishe muparanisiwe na Mungu.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

MAGALATWIYA 4:12

Nisumumiani wananyangu, namuke mauri wami, iv̄o nilio mauri wanyu. Kamwanifanyia mbovu itsokao yotsi.

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAEFESO 3:1

Iyo ɗe imana nimumiliaoni Mungu, wami Ɓaulusu, mufungwa wa Kristi-Insa ha tanafu yanyu, wanyu tsi Mayahudi,

MAEFESO 4:17

Ɓasi tsini itrongo niirongoao tsena niishadidishao hari mwa uv̄umoja wangu na Raɓi: ɗe amba kamwalazimu mwadziv̄inga tsena mauri ɗe inamuna wadziv̄ingao watru wa zinishani zangina, walio amba fikira zawo kazina faida.

MAEFESO 4:4

V̄wa mwili moja na Roho moja, mauri ɗe inamuna ilio amba itama mwahiriwa nayo moja, ne ɗe ile ya umuhirio wanyu.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAFILIPI 3:14

nisusimamia ne niwaswili mupakaju, ile nipare ihishima amma ɗe umuhirio wa Mungu pev̄oni hari mwa uv̄umoja na Kristi-Insa.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAKOLOSIYA 2:6

Ɓasi ha izo, ɓaanda mwamukuɓali Kristi-Insa amba Raɓi, namuẽshi hari mwa uv̄umoja na waye.

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

1 MATESALONIKA 2:12

rimutriani ɓari, rimutrulidzani, rimusariɓiani ha kusudi mudziv̄inge ha namuna yamustahiki Mungu alio amba asumuhirani murenge fuvu hari mwa utawalizi wahe na utukufu wahe.

2 MATESALONIKA 1:11

Iyo ɗe imana dahari rimufanyiaoni mamilio, ile Mungu watru amuoneni amba mustahiki muhirio wahe, tsena atsimidze ha ushindzi wahe kula nia ndjema mulionayo, na kula shitrendro muifanyao ha uaminifu.

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

TITUSA 2:10

wasuwahiɓiye, ɓadi nawaonese dahari uaminifu mukamilifu, ile wav̄e hishima hari mwa trongo piya umusomo wa Mungu, Muhuyifu watru.

MAHEƁRANIYA 13:21

namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

1 MONYE 2:11

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu.

1 MONYE 3:9

Mwasuɗiv̄e mbovu ha mbovu, wala shilihidzo ha shilihidzo. Ɗe ikinyume, namusopeleye, mana ha iyo ɗe mwahirwa, ile muwarithi ɓaraka.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

2 MONYE 1:3

Ushindzi wa shiungu wahe uriv̄a piya zalazimu uhusu uhayati na ĩɓada, ha urijudza Monyewe urihira ha utukufu na uwema wahe monyewe.

2 YUHANI 1:5

Na av̄asav̄anu Ɓweni, nisuhumia, wala iyo tsi ãmuri pia nihuangishiao, ɓadi ɗe iyo raipara rangu mwandro, amba riv̄endzane wasi na wasi.