MAEFESO 3:8 - Ha`bari Ndjema ya I Maore

⁸ Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAEFESO 3:8 ပူးပေါင်းရင်းမြစ်များ

LUKASI 14:22

Ɓaanda ya v̄ale murumizi ule aja arongoa: ‹Mutukufu, trongo wakotsaha zifanyiwe, zifanyiwa, amwesa v̄uɓaki tsena maɓandza.›

YUHANI 1:16

Ha ukamilifu wahe, ridjaãliwa piyasi, neema hari mwa neema.

MAV̄INGIZI-RISALA 5:41

yaMav̄ingizi-Risala yale yalawa hari mwa uMungulidzano wa Waɓole, wafurahi ha iv̄o waonehana amba wastahiki warendrwe mbovu ha siɓaɓu ya lidzina la Insa.

MAV̄INGIZI-RISALA 9:15

Ɓadi Raɓi amuambia: «Endra, mana mutru uwo, waye shombo naitsahua ajudze lidzina langu ha zinishani zangina, ha yamafalume, na ha uwana wa Israila.

MAROMU 11:33

Namuna jeje ulio muɓole utadjiri, ihikima na ujuzi wa Mungu! Kav̄u atsojuao aeledze minamuzi yahe, wala aelewe ndzia zahe.

MAROMU 12:10

Namuv̄endzane wanyu na wanyu ha huɓa ya shi unanya; namukane djitihadi ya uhishimiana.

MAROMU 2:4

Au usudharau utadjirifu wa uwema wahe, wa isuɓira na ustahamilifu wahe, ata kusujua amba v̄av̄o uwema wa Mungu uwo usutsaha uhuv̄inge wendre toɓa?

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 15:9

Mana wami ɗe umuv̄ungufu hari mwa yaMav̄ingizi-Risala, tsisustahiki ata uhiriwa Muv̄ingizi-Risala, mana tsitrese iDjama Ndziwaminifu ya Mungu.

1 MAKORINTIYO 2:9

Ɓadi mauri ɗe iheli yaangihwa moni na uMuangishio Mutwaharifu: «Trongo zilio amba dzitso kalaziona, kio kalazikia, wala kazangia hari mwa umo wa mwanadamu, trongo zilio amba Mungu azitayarishia wao wamuv̄endzao.»

MAGALATWIYA 1:16

wa univ̄enulia uMwana wahe, ile nimujudze ha uwatru wa zinishani zangina kazimuji Mungu, ɓasi wakati uwo tsatsaha shauri ha mutru atsokao yotsi,

MAGALATWIYA 2:8

Mana Uwo atsonga amba Monye ake Muv̄ingizi-Risala ha yaMayahudi, ɗe anitsongesha wajau nike ha wale tsi Mayahudi.

MAEFESO 2:7

ile aonese hari mwa yimida yijao utadjirifu wazidishiha wa urehema wahe aridjaãliawo ha uwema wahe hari mwa uv̄umoja watru na Kristi-Insa.

MAEFESO 3:1

Iyo ɗe imana nimumiliaoni Mungu, wami Ɓaulusu, mufungwa wa Kristi-Insa ha tanafu yanyu, wanyu tsi Mayahudi,

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAEFESO 3:19

tsena muijuwe uv̄endza ya Kristi iyo ilio amba isuv̄iria ujuzi, ha namuna amba mukamilishihe ujadziwa piya ukamilifu wa Mungu.

MAEFESO 3:2

neka amba mwaparokia anga urumishi Mungu anidjaãliawo ha irehema yahe, amba niufanye ha tanafu yanyu.

MAFILIPI 2:3

Musufanye itsokao yotsi ha mashindrano, wala ha udzirendra, ɓadi ha uwekevu, namuone wasalia ɓorwa rahana wanyu.

MAFILIPI 4:19

Mwalangu Mungu atsomudjaãliani kula yamukoseani, ha utadjiri mutukufu wahe ha Kristi-Insa.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

1 TIMUTAUSU 1:13

wami nilio amba hale oho nakokufuru, nakotresa na uruhana. Ɓadi tsidjaãliwa urehema, mana nakorendra ɓila ujuzi, iv̄o tsakana uaminifu.

1 TIMUTAUSU 1:15

Urongozi unu kweli, tsena ustahiki ukuɓaliwe ha namuna ndzikamilifu amba: Kristi-Insa aja ulemenguni ile ahuyi maãswifu, walio amba wami ɗe wa handra.

1 TIMUTAUSU 2:7

Ushahidifu ulio amba wami tsifanyiha mujudzizi na Muv̄ingizi-Risala wawo, nisurongoa kweli ɓadi tsi trambo, tsena musomedza ha watru wa nishani zangina yahusu uaminifu na ukweli.

2 TIMUTAUSU 1:11

Ɗe ha iIndjili iyo ɗe nalishwa mujudzizi, Muv̄ingizi-Risala amma musomedza.

MUV̄ENULIO 3:18

Nisuhusariɓia ununuwe dhahaɓu hangu ilio amba iswafishiha ha moro, ile utadjirishihe; ununuwe nguo ndjeu, ile ike amba upindri, pare iaĩɓu ya wadzi waho yasuv̄enuhe; na ɗalao la utria matsoni pare uone.