MAEFESO 2:13 - Ha`bari Ndjema ya I Maore

¹³ Ɓadi av̄asa, hari mwa uv̄umoja na Kristi-Insa, wanyu mwaka mbali hale hule, mukuruɓisiwa ha idamu ya Kristi.

MAEFESO 2:13 ပူးပေါင်းရင်းမြစ်များ

YUHANI 10:16

Tsina raha maɓariɓari yangina, yalio amba tsi ya livala lini. Yao wajau, ilazimu niyav̄inge; yatsovulishia ji langu. V̄av̄o v̄utsoka ɓangwe moja tu, na mutsunga moja tu.

MAV̄INGIZI-RISALA 15:14

Simoni aeledza ha namuna jeje rangu mwandro, Mungu adzishuhulisa zinishani zangina ha utsahua watru mengoni mwawo wake umati wahe.

MAV̄INGIZI-RISALA 2:39

Mana uwahadi uwo wanyu, na uwana wanyu, tsena na piya wao walio mbali, piyawo ha uwengi wawo Mwalatru Monyezi Mungu atsowahirao.»

MAV̄INGIZI-RISALA 22:21

Ɓadi Raɓi aniambia: ‹Endra, nitsohuv̄eleha mbali ha nishani zangina.› »

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 12:13

Mana ha Roho moja riɓaĩshiwa piyasi, ile rifanyihe mwili moja ɓas, rangu Mayahudi ata Magiriki, rangu warumwa ata wanafasina, na piyasi rinosewa Roho moja.

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

2 MAKORINTIYO 5:17

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

MAGALATWIYA 3:28

Kav̄u tsena Muyahudi wala Mugiriki, au murumwa wala munafasina, kav̄u tsena mutruɓaɓa wala mutrumama, mana wanyu piyanyu mwa moja hari mwa uv̄umoja wanyu na Kristi-Insa.

MAEFESO 1:1

Wami Ɓaulusu, Muv̄ingizi-Risala wa Kristi-Insa ha mav̄endzeleo ya Mungu, nisuangishia watwaharifu amma waaminifu hari mwa uv̄umoja na Kristi-Insa [ɗagoni Efeso]:

MAEFESO 1:7

Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe,

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAEFESO 2:12

amba wakati uwo mwakoka ɓila Kristi; muka v̄ondze na umati wa Israila, muka wadjeni na yimikataɓa|mukataɓa ya uwahadi, kamwakana tama wala Mungu ulemenguni.

MAEFESO 2:2

yalio amba mwakoyafanya ha uɗunga maendreleo ya ulemengu unu, mwakotuĩ umutawalizi wa iyezi ya hawani, lidjini lirendrao av̄asa ha wao kawatuĩ.

MAEFESO 2:6

Hari mwa uv̄umoja watru na Kristi-Insa, Mungu ariregeza hayi v̄umoja na waye, tsena ariketsisa v̄umoja na waye hari mwa yimikaɓala ya pev̄oni,

MAHEƁRANIYA 9:18

Iyo ɗe imana ata umukataɓa wa handra uwo-uwo, kawaka wangia ndziani ɓila damu.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.