LUKASI 9:7 - Ha`bari Ndjema ya I Maore

⁷ Wakati Hirudu, dhwamana wa liɓavu, akia piya trongo zile zakov̄ira, kakojua ya ufikiri, mana wasalia wakorongoa amba Yahaya aka aregezewa hayi ulawa ufaju,

LUKASI 9:7 ပူးပေါင်းရင်းမြစ်များ

MATIYO 11:2

Yahaya Muɓaĩshizi, ukia yahe shiv̄ani aka v̄wakolagulwa zitrendrwa za Kristi, av̄eleha maswihaɓa yahe wamudzise zini:

MARKUSI 8:28

Wamudjiɓu: «Ɓaãdhwi ya watru wasurongoa amba wawe ɗe Yahaya Muɓaĩshizi, wasalia amba ɗe Eliya, na wasalia tsena amba moja mengoni mwa yimitrume.»

LUKASI 13:31

Wakati ule kamwe v̄wa ɓaãdhwi ya watru wa ishama ya Mafarisayo waja wamuambia: «Endra dzaho, ulawe v̄anu, mana Hirudu asutsaha ahuule.»

LUKASI 21:25

«V̄utsoonehana ãlama hari mwa lijua, umwezi na zinyora; na shiv̄andreju mwa tsi zinishani zitsoremwa na trisidzo ha siɓaɓu ya ushangavu wawo na umutsutsuho wa iɓahari na yamaluja.

LUKASI 23:7

Ukia yahe amba Insa aka wa umukaɓala watawaliwa na Hirudu, amuv̄eleha ha Hirudu aka wajau Yerusalemu wakati ule.

LUKASI 3:1

uMwaha wa kumi na tsano wa iyezi ya Kaiswara Tiɓeriusu, Pontiusu Ɓilatusa aka atawala iYudeya, Hirudu akoendresa iGalilaya, mwananyahe Filiɓusa yimikaɓala ya Iturea na Trakoniti, na Lisaniasa iAɓileni.

LUKASI 9:19

Wamudjiɓu: «V̄wa warongoao amba ɗe Yahaya Muɓaĩshizi, na wasalia ɗe Eliya, iv̄o wasalia amba moja mengoni mwa yimitrume ya zamani ɗe aregezewa hayi.»