LUKASI 9:18 - Ha`bari Ndjema ya I Maore

¹⁸ V̄uka suku, Insa adzivuru amiye Mungu, na maswihaɓa yahe yaka na waye. Ɓas awadzisa: «Watru wasurongoa amba wami ɗe mbani?»

LUKASI 9:18 ပူးပေါင်းရင်းမြစ်များ

MATIYO 14:23

Amohisa uwav̄eleha, ahea mulimani weke ile afanye mamilio. Ata uku wamongia, aka v̄ale raha, weke.

MATIYO 26:36

Ɓaanda ya v̄ale, Insa andre v̄umoja na maswihaɓa yahe v̄ahanu v̄uhiriwao Getsemani. Hule awaambia: «Namuketsi v̄anu, na wami nisutsengelea nafanye mamilio.»

LUKASI 11:1

Suku Insa aka v̄ahanu, akofanya mamilio. Umalidza yahe, moja mengoni mwa maswihaɓa yahe amuambia: «Raɓi, risomedze namuna ya ufanya mamilio, mauri ɗe Yahaya namuna asomedza maswihaɓa yahe.»

LUKASI 3:21

V̄ale piya watru wakoɓaĩshiwa, Insa wajau aɓaĩshiwa. Na wakati aka hari mwa mamilio, uwingu uɓuha,

LUKASI 6:12

Wakati ule Insa andre mulimani afanye mamilio, av̄itsi piya uku hari mwa mamilio Mungu yahe.

LUKASI 9:19

Wamudjiɓu: «V̄wa warongoao amba ɗe Yahaya Muɓaĩshizi, na wasalia ɗe Eliya, iv̄o wasalia amba moja mengoni mwa yimitrume ya zamani ɗe aregezewa hayi.»

LUKASI 9:28

Mukaɓala wa suku nane ɓaanda ya marongozi yale, Insa amurenge Monye, Yuhani na Yakoɓu, ahea mulimani afanye mamilio.

LUKASI 9:29

Wakati wa mamilio yahe yale, isura yahe igauha, na nguo zahe zakovaga ha uweu.