LUKASI 8:43 - Ha`bari Ndjema ya I Maore

⁴³ Na moni v̄ale v̄uka mutrumushe akovuja damu ikana muda wa maha kumi na mili, na waye aka atowo piya mali yahe ha yamatwaɓiɓu, wala kav̄u ata moja ashindra amuzihira.

LUKASI 8:43 ပူးပေါင်းရင်းမြစ်များ

MARKUSI 12:44

Mana piyawo watria izo warenga hari mwa izo zawazidishia, ɓadi waye ha usikini wahe, atria piya izo akana za umulela.»

MARKUSI 9:18

V̄ahali yotsi limujundrushiao, lilo umuvutsa v̄otsi, umutoa mavovu hanyoni, umuv̄uhurisa manyo, na mwili wahe ulimbiha. Tsirayi maswihaɓa yaho yalitowe, ɓadi kawashindra.»

LUKASI 13:11

Na moni v̄ale v̄uka mutrumushe akana djini laka lamuhetsi muwaɗe, muda wa maha kumi na minane. Aka av̄ereha ata kakoshindra ata hata adziondzoa.

LUKASI 13:16

Na mutrumama unu alio shilembwe ya Iɓrahima, aka afungwa na Shetwani muda wa maha kumi na minane, kayaka yalazimu aɓuliwa hari mwa shifungo ini Suku ya Uv̄umuzi?»

LUKASI 8:27

Wakati Insa ashuka v̄otsi, v̄umujilia mutruɓaɓa wa shi ɗagoni v̄ale, akana mazetwani. Ina mida mengi kakopindra, wala kakoketsi ɗagoni, ɓadi mahaɓurini.

LUKASI 8:42

mana umwana mutrumushe moja-moja wahe akana maha kumi na mili jauleni, akojofa. Uendra yahe hule, idunia yakomusera.

LUKASI 8:44

Amutsengelea Insa mengoni, aɓamba itsa ya inguo yahe. Sa na isa ile, mushukio wa damu wahe ule uzia.

YUHANI 9:1

Insa uv̄ira yahe ndziani, aono mutru adzalwa mufa-matso.

YUHANI 9:21

Ɓadi ha namuna jeje ata aonao av̄asa, au mbani ɗe amuɓua yamatso, karisujua. Namumudzise monyewe, madza aɓalihi, atsorongoa trongo zamuhusu.»

MAV̄INGIZI-RISALA 3:2

Wakati ule v̄uv̄ingwa mutru adzalwa na shifeli ya trewe. Kula suku akoladzwa mulongoju mwa iNyumba Ndzitwaharifu, mulongo wakohiriwa Muzuri, pare afanye akrimasikini ha watru wangiao moni na iNyumba.

MAV̄INGIZI-RISALA 4:22

Na mutru ule aɓahatisha lidzihiro la midjuza lile akana umuri wazidi maha aruɓaini.