LUKASI 8:37 - Ha`bari Ndjema ya I Maore

³⁷ Ɓasi piya watru wa liɓavu la Magerasi wamumia Insa awalawiye v̄ale, mana waka wasikwa na faza ɓole. Sa ile Insa apashia tsena lidjahazi, aregea dzahe.

LUKASI 8:37 ပူးပေါင်းရင်းမြစ်များ

MATIYO 8:34

Ɓas, piya liɗago lilawa, lija limupara Insa. Wakati wamuona, wamumia alawiye ɓavu lawo lile.

MARKUSI 5:17

Ɓas, waandrisa umumia Insa alawe hari mwa ɓavu lawo lile.

LUKASI 10:16

Uwo amuvulishiaoni, asunivulishia, na uwo amuharaoni, asunihara; na tsena uwo aniharao, asuhara Uwo aniv̄eleha.»

LUKASI 5:8

Wakati Simoni Monye aona trongo zile, avundzu malondro mbeli za Insa, amwesa amuambia: «Mutukufu, nilawiye, mana wami muãswifu.»

LUKASI 8:28

Wakati amuona Insa, alatsa keme, adzivutsu mindruni hahe, amwesa arongoa ha ji lendza nguvu: «Usutsaha unifanyiye trini Insa, Mwana wa Mungu Monyewe Uju rahana Uju? Nisuhutafadali, usunionde.»

LUKASI 8:36

Watru waona trongo zile wakati zakohidjiri, wawatolea hadisi namuna mwendza mazetwani ule azihiriwa.

LUKASI 8:38

Mutru ule aka atolewa yamazetwani, amia aɓaki na Insa. Na Insa kamukuɓalia, ɓadi amuambia:

LUKASI 9:5

Na v̄ahali yotsi itsokao amba watru kawamukariɓisani, namulawiye liɗago lile, namuv̄aruse lidjifu la yimindru yanyu, ike ushahidi kinyume na wao ha izo wafanya.»

LUKASI 9:56

Mana uMwana wa Mwanadamu aja tsi ha waye uangamidza roho za wanadamu, ɓadi ɗe ha uzihuyi.» Ɓas, wandre hari mwa ɗago langina.

MAV̄INGIZI-RISALA 16:39

Ɓas wawatrulidza, wawatoa shiv̄ani na uwamia walawe ɗagoni v̄ale.