LUKASI 8:25 - Ha`bari Ndjema ya I Maore

²⁵ Amwesa awaambia: «Uaminifu wanyu wa hav̄i?» Wasikwa na faza na ushangavu ata wakoambiana: «Unu mutru mbani unu aãmurishao ata pev̄o na maji, na wizo zisumutuĩ!»

LUKASI 8:25 ပူးပေါင်းရင်းမြစ်များ

MATIYO 14:31

Sa ile kamwe Insa av̄eleha umuhono amusiki, amwesa amuambia: «He wawe mwendza uaminifu mushashi. Manatrini wangia taradudu?»

MATIYO 17:20

Awadjiɓu: «Mana uaminifu wanyu wa mushashi. Nisumuambiani ha kweli, na djeli mukana uaminifu, wala ukana mutiti mauri ɗe ititi hari mwa zimbia, mwatsoãmurisha mulima unu ulawe v̄ahanu ulio, wendre v̄wangina, na uwo utsendra; kav̄u yotsi yatsomushindraoni.

MATIYO 6:30

Ɓasi neka Mungu upindrisa namuna iyo ɗavu lilio malavuni liẽshio leo, meso litsovutswao moroju, je, ata katsomufanyiani zaidi? Uaminifu wanyu wa mushashi halisi!

MATIYO 8:10

Wakati Insa akia zile ashanga, ata aambia wale waka wamuɗunga: «Nisumuambiani ha kweli, ata hari mwa iIsraila, ne tsapara uaminifu muɓole mauri ɗe unu.

MATIYO 8:26

Ɓas awaambia: «Manatrini muriao? Wanyu watru wendza uaminifu mushashi!» Amwesa ahimi, alagulia ipev̄o na iɓahari; sa ile v̄ushuku shiwari.

MARKUSI 4:35

Mahariɓi ya isuku ile kamwe, Insa aambia maswihaɓa yahe: «Narishiye nyambo ya lidzia.»

LUKASI 12:28

Ɓasi neka Mungu upindrisa ha namuna iyo ɗavu lilio malavuni leo ini, meso litsovutswao moroju, v̄av̄o ha mara ngav̄i zaidi atsomupindrisaoni? Uaminifu wanyu wa mushashi halisi!

LUKASI 8:24

Sa ile maswihaɓa yahe watsengelea wamumidze. Wamuambia: «Fundi, Fundi, risuangamia!» Ahimi, ashemea ipev̄o na yamaluja, yatrulia, na ishiwari ilala.

LUKASI 8:26

Ɓaanda ya v̄ale wapahwa hari mwa iɓandari ya Magerasi, maswa na iGalilaya.

YUHANI 11:40

Insa amudjiɓu: «Afa tsahuambia amba neka usuamini, utsoona utukufu wa Mungu?»