LUKASI 8:14 - Ha`bari Ndjema ya I Maore

¹⁴ Yao yapuliha hari mwa malavu ya miɓa, ɗe wale ɓaanda wakia urongozi ule, wao uendra na trongo zawo: yimifikirisho, zingutadjiri, na zingunafasi za lidunia lini uɓala pumu urongozi ule, ha heli ya uka amba wao udza mbia, ɓadi kaziketsi ata zadzinya.

LUKASI 8:14 ပူးပေါင်းရင်းမြစ်များ

MATIYO 13:22

Na uwo apara yamaela hari mwa malavu yendza miɓa, ɗe uwo akiao uurongozi, ɓadi mifikirisho ya lidunia lini na uv̄endza-mali uɓala pumu urongozi ule, ata kaudza mavuna.

MARKUSI 4:19

ɓadi mifikirisho ya lidunia lini na ushauku wa utadjirifu udanganyao, iv̄o na ngushauku zasalia za kula namuna, izo uɓala pumu urongozi wa Mungu, ata uwo kautoa mavuna.

LUKASI 16:13

Kav̄u murumizi ashindrao arumishe warumisa waili, mana au atsoenga umoja, av̄endze umoja, au atsofungana na umoja, umoja amuoneye. Kamushindri murumishia Mungu v̄umoja na mali.»

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

LUKASI 8:13

Yao yapuliha hari mwa kawe, ɗe wale wamokia urongozi ule, waurengao ha furaha, ɓadi kausisi mizi. Wao uamini hari mwa muda ata wamodjereɓiwa, wao ulisha.

LUKASI 8:15

Yao yapuliha hari mwa itrotro ndjema, ɗe wale wakia urongozi ule ha roho ndjema yarahara, wao uusika, amwesa ustahamili ata wadze mavuna.»

LUKASI 8:7

Yasalia tsena yapuliha hari mwa malavu ya miɓa. Malavu ya miɓa yale yahuwu v̄umoja na yao, yayafinikia.

YUHANI 15:6

Neka mutru kasuɓaki hari mwa uv̄umoja na wami, waye ulatswa v̄ondze mauri ɗe litrahi, na lilo uhuma; amwesa yamarahi yao ungulidziwa, uvutswa moroju yavudzwa.

1 TIMUTAUSU 6:17

Sariɓia walio tadjiri wakati wa leo wasudzione, wala wasutriye itama yawo hari mwa ngutadjirifu zilio amba kaziaminishiha, ɓadi ɗe ha Mungu ariv̄ao piya ha uwengi, ile rifurahishihe.

2 TIMUTAUSU 4:10

Mana Demasu anipuka ha uv̄endza wa lidunia la leo, andre Tesalonika. Kresensi andre Galatwiya, na Titusa waye Dalmatiya.

MAHEƁRANIYA 6:1

Ha izo, narilawe hari mwa ziharufu za handra za umusomo wahusu Kristi, ritsengeleye ata hari mwa ukamilifu wa umusomo, wala tsi ha utria misingi raha: ɗe uendra toɓa ha zitrendrwa mbovu ziv̄ingao hari mwa ufa, uaminifu na Mungu,