LUKASI 8:1 - Ha`bari Ndjema ya I Maore

¹ Ɓaanda ya v̄ale Insa akwendra hari mwa kula ɗago, rangu ɓole ata titi, na ujudza iHaɓari Ndjema ya Utawalizi wa Mungu. Na watru kumi na waili wale waka na waye.

LUKASI 8:1 ပူးပေါင်းရင်းမြစ်များ

MATIYO 11:1

Wakati Insa amalidza ueledza maswihaɓa kumi na maili yahe, alawa v̄ale, akwendra asomedze na uĩdhia hari mwa malago ya mukaɓala ule.

MATIYO 13:19

Mutru akiao urongozi wa Utawalizi wala kauelewa, uMovu|Movu uja utoa izo aka atrilwazo rohoni hahe: uwo ɗe umufano wa ule apara yamaela wangoni na indzia.

MATIYO 4:23

Insa akov̄ira hari mwa piya iGalilaya ha usomedza moni na ziNyumba za Uswali, na ujudza iHaɓari Ndjema ya Utawalizi wa Mungu; tsena akozihira kula uwaɗe na shifeli watru wakanazo.

MATIYO 9:35

Insa akov̄iria piya yamalago maɓole na matiti na usomedza moni na ziNyumba za Uswali zawo. Akojudza iHaɓari Ndjema ya Utawalizi wa Mungu, na uzihira kula uwaɗe, na zifeli za kula namuna.

MARKUSI 1:39

Ɓas, andre aĩdhia moni na ziNyumba za Uswali hari mwa piya iGalilaya, tsena atowo mazetwani.

LUKASI 1:80

Na umwana akohua na uhodarishiha iroho. Amwesa aɓaki mav̄adzani hule, ata isuku adziv̄eleha mbeli na iIsraila.

LUKASI 20:1

Suku mengoni mwa suku, wakati Insa aka ju la usomedza watru na uwajudza iHaɓari Ndjema moni na iNyumba Ndzitwaharifu, yaMatolezi Maɓole ya Masadaka, Mafundi ya Sharia na uwatru waɓole waja wamupara,

LUKASI 4:18

«iRoho ya Mola ya ju langu, mana anitsahua nijudze Haɓari Ndjema ha zimasikini. Aniv̄eleha [nizihire wao waliona utungu wa roho], nijudze uwokovu ha wao walio ngweni na ha uwafa-matso amba watsoregea waone, niwokowe wao watreswao,

LUKASI 9:6

Ɓas walawa, wandre ɗago ha ɗago, wakojudza iHaɓari Ndjema na uzihira wawaɗe kula v̄ahanu.

MAV̄INGIZI-RISALA 10:38

Musujua namuna Mungu amutsahua Insa wa Nazareti na umuenedza iRoho Ndzitwaharifu na ushindzi, na namuna akwendra ha urendra ndjema na uzihira piya wao waka watawaliwa na Iɓilisa, mana Mungu aka na waye.

MAV̄INGIZI-RISALA 13:32

Na wasi risumujudzani iHaɓari Ndjema ini amba uwahadi Mungu atoleawo maɓakoko watru,

MAROMU 10:15

Au, namuna jeje watru watsojudzao neka kawav̄elehwa? Mauri ɗe iheli yaangihwa moni na uMuangishio: «Kweli amba yistawi yimindru ya wao wajudzao haɓari ndjema!»